شحالكم اليوم يونا ناس حق الشوفة اوكي ماعرف شو ياني من سمعت طاريهم كله معصبة ومب مرتاحة طبعا انا كنت مصلية الاستخارة قبل لا ايوون ..
المهم يت الحرمة وسلمنا وسولفنا وقالت تبا اختي اللي اصغر عني بسنة انا عمري 23 وهي 22
بتقولون وين المشكلة قالت اختي سمرة وشوية متينة خلها تسوي رجيم وعقب ما ظهرت برع قالت
ابغي العودة حلوة وبيضة وضعيفة والمعرس يبا جيه قالت نبا صور البنتين اللي هي انا واختي بنراوي
الولد وهو يختار ليش الدنيا فوضى !!!!!!!!!!! شو هالعرس اللي جيه استغربت من الطلب تخلن صار النصيب ويا اختي المعرس بيكون شايفني وعادي يعق رمسة عقب لو زعل ولا تضايج بيقول ياريتني
خذت اختج والعكس ..
المهم قالت اونه سيروا الاستديو صورن صور وحدة ونحن يالسين ووحدة ونحن واقفين وصح نبا ويا
الشعور وين يبون هايييل احين بدال لا ايي المعرس ويشوف في النظرة الشرعية جيه يقولون !!!!!!
يوم سالت اختي قالت يخسون انا مابا اللي جيه وانا بعد مابا ابا اللي جيه وانا قبل لا ايون كنت قايلة
حق اماية مب مرتاحة ماعرف ليش يايين لاني كنت حاسة انه هالشي بيصير وقلت حق اختي هالشي
احين خواتي انتن شورايكن قسم بالله نفسيتي داااون وكارهة عمري وكارهة طاري الزواج مليت قلت
حق اختي اذا تبينهم عليج بالعافية ما بوقف في طريجج بس صدق مليت احس من التفكير بكبر 20 سنة
ابا اسوي دليت حق هالسوالف ليش جيه المشاعر مالها قيمة انا بعد انسانة واضايج وافرح واحس وازعل ليش الناس ما تهمهم الاخلاق كثر الشعر والبياض والجسم … الخ
انا ودي اعرس ودي حد يختارني لطيبتي لاخلاقي الظاهر الزمن تغير احين يبغون شعور واجسام وبياض انا فيني هالمواصفات بس مع هذا مابغي هالعرس اللي من اولها اختيار يكون بين اختين انا مب زعلانة ع اختي بس كيف جيه كيف قولولي كيف اخاف امي تمرض من كثر التفكير مجتمعنا حسسنا انه نحن كبار اعمارنا 40 سنة تونا صغار وما يعرفون انه الارزاق بايد الله كيف يرضون يسوون جيه ببنات الناس ترا هم عندهم بنات والدنيا ادور خواتي ساعدوني من التفكير طلعتلي شعرة
بيضة اخاف اتخبل واتعقد بليز ساعدوني ..
لو انا مكانج برمس الوالده و مالهم نصيب لا انتي ولا اختج و شووفي باقي الخوات
الله يعوضكن
لو منج بقولهم تفضلو الله معاكم ماعندنا بنات للزواج بهالطريقه نحن بنات ناس وعوايل
عافان الله ناس ماتختش
أختي ,, اذآ هذآ أولهآ عيل شو التآلي ..
بلآ صور بلآ استيديو وخرآبيط ..
صدق انهآ مب صآحيه !! أصلآ كيف جي يشوفكن وجآن مآ صآر نصيب ..
يعني تآخذن آثآم ويكون شآفكن هآلغريب ؟؟؟
أصلآ هآلسآلفه وهآلزوآج لآ له صله لآ بدين ولآ عآدآت ..
ريحي بآلج وقولولهم مآشي نصيب ، شو انتن بنآت نآس وعرب مب مصخره صور شرآت الأجآنب !!
وربي يرزقج بآللي أحسن عنهم واللي يقدرج انتي وأختج ..
الدنيآ مآ بتوقف عندهم ، وربي ييسرلج امورج ، دآـم الاستخآرة مآ ريحتج يعني توكلي على الله وان شآء الله اييج نصيبج جريب ..
يا ماما تسير تدور لولدها غيركن
يوم تبا في نظره شرعهي وتختار وحده
عجب عجب
الله يرزقج بواااحد خلووووووق وغني
صدقتي ,, بس يبون المظهر والشكل الحلو , أما الاخلاق بصوب ,, الله يهديهم ويهدي الجميع اللي نظرته تكون بـ هالشكل
حبيبتي ليش تضايجين , اشكي حالج لربج وربج بسعدج صدقيني . اللي يعرف ربه ,, ربه مستحيل يضيعه
كوني جريبه من ربج والله بفرجها آمييين
شو يبون صوركن وهو يختار فووووووضه شو
طآف يا اختي والرزق عند رب العالمين
ولاتتشآئمين الرياييل تارسين البلاد ومثل مافيه الشين فيه الزين اللي يبا البنت لآخلاقها ..
والله يوفقكم