ابا حل لمشكلة اخوي الصغير وعمره 11 سنة .

عندي اخو عمره 11 سنة وهو بالصف السادس … قبل لا يدخل المدرسة علمته القراية والحساب بس على قده مثلا الحروف الهجائية والارقام من 1 الي 10 وكيف يجمع ويطرح … من دخل المدرسة ( كيجي ون ) قالولنا المدرسات ماشاء الله عليه ذكي ومستواه مش هني المفروض ادخلونه المرحلة الابتدائية …. المهم خلص اخوي كيجي ون وتو … ودخل في مرحلة ثانية وهي الابتدائية …. وما شاء الله كل سنة يطلع من الاوائل وعلاماته كلها من 95 وفوق …. وانتوا تعرفون نظام المداراس … الحلقة الاولى بالنسبة للاولاد حريم يدرسونهم اما من الصف السادس وما فوق رياييل يدرسونهم … المهم اخوي انتقل الى الحلقة الثانية ( الصف السادس )… ونحن ساكنين حاليا في منطقة وفي الصيف بنتقل الى الفوعة لانهم خلصنا البنيان … اخوي دخلته مدرسة عبدالرحمن الداخل ( مؤقت لأنها قريبه من البيت وابوي هو الي يوصله )…. من دخل هالمدرسة اتغير وايد ما قام يهتم للدراسة … واشوف عليه عادات وصخة مثل قام يدوخ من ورانا … وايد يطلع من البيت … وحتي ما شفت منه ولا ورقة امتحان او شهادة التقويم … والصدمة الكبيرة اليوم ياييب الشهادة اتخيلو درجاته والله في 40 و50 و60 و70 وما شي 90 …والله بغيت اصيح لأني انا المسؤولة عنه من كان صغير كنت ادرسه وما زلت ادرسه وثانيا كلما ادرسه اشوف فاهم ماشاء الله عليه وحتى والله من اسمعه مثلا وحدة في الكتاب ما شاء الله يجاوب وحتى فيه شغلات في الكتاب هو يفهمني … المهم ايام الامتحانات كان يقولي الامتحان سهل …بس ما اعرف ليش جذي هل هو العيب منه ولا من مدرسته… وحتى يوم اتصل المدرسة محد يرد والمشكلة استحي اروح مدرسته لأن كله رياييل ( قبل يوم كان في الحلقة الاولى اسبوعيا كنت اروح له المدرسة لدرجة كان يتحسبون اني انا امه ووايد كانوا يمدحونه… ) … ارجوكن افيدوني وقولولي رايكن بليييز ما ابغي اخوي يضيع في الدراسة وهو صغير … وطلب ثاني من بنات العين … ابا احسن مدرسة ويهتمون بالطالب عدل واتكون قريبة من الخبيصي لأني بغير مدرسته الفصل الثاني … والسموحة منكن خواتي والله هذا اخوي انا الي مربيتنه واحبه وايد واعتبره شرات ولدي مع اني مش معرسة ….