السلام عليكم و رحمة الله و بركاته
خواتي العزيزات انا من فترة متحولة و مخصصه مكان للزراعة بس لاني مب من هواة الزراعة ما كنت متشجعه و امودره المكان فاضي بس من اسبوع حشروني عيالي الا يبون يزرعون مع العلم انهم يهال البنت 8 سنوات و الولد 6 سنوات فديتهم الله يحفظهم و انا بعد اخترشت اوياهم و تميت ادور في المواضيع فسرت السوق و اشتريت بذور الطمام و الفلفل البارد و البقدونس و الجلجلان و النعناع و انا مول ما ادري شي الصراحة الريال قالي هذا موسمهم و عطاني بعد سماد .
و انا مع اليهال اشوي نظفنا المكان و صبينا السماد على التراب و اشوي خلطناهم و عقب نثرنا البذور و كل يوم الصبح قبل ما يسيرون المدرسة يسقونهم .
السوال الحين هل ها الي سويناه صح و لا خرابيط لانهم فديتهم كل ما يردون من المدرسة ايمرون و ايشوفون البقعة و يسالوني متى بيطلع هم من يوم الاثنين زارعين و انا الصراحة ما ادري ولا شي و اخاف ما يطلع و يزعلون ؟
خواتي العزيزات انا من فترة متحولة و مخصصه مكان للزراعة بس لاني مب من هواة الزراعة ما كنت متشجعه و امودره المكان فاضي بس من اسبوع حشروني عيالي الا يبون يزرعون مع العلم انهم يهال البنت 8 سنوات و الولد 6 سنوات فديتهم الله يحفظهم و انا بعد اخترشت اوياهم و تميت ادور في المواضيع فسرت السوق و اشتريت بذور الطمام و الفلفل البارد و البقدونس و الجلجلان و النعناع و انا مول ما ادري شي الصراحة الريال قالي هذا موسمهم و عطاني بعد سماد .
و انا مع اليهال اشوي نظفنا المكان و صبينا السماد على التراب و اشوي خلطناهم و عقب نثرنا البذور و كل يوم الصبح قبل ما يسيرون المدرسة يسقونهم .
السوال الحين هل ها الي سويناه صح و لا خرابيط لانهم فديتهم كل ما يردون من المدرسة ايمرون و ايشوفون البقعة و يسالوني متى بيطلع هم من يوم الاثنين زارعين و انا الصراحة ما ادري ولا شي و اخاف ما يطلع و يزعلون ؟
افيدوني بليز ؟
وصح بعد خذيت شيرة لوني و توت صغار ؟
وينكم يا جماعة
حظج انا سهرانه
زين ان اليهال شجعوج على الزراعه
وهذا درس بيتعلمون فيه من غلطهم
للاسف اذا كان اللي حطيتوه مع البذور سماد قوي ومب مجرد تربه سودا
فالبذور ما بيتحملوه بيحرقهم
لكن اذا كانت مجرد تربه سودا فبيطلع باذن الله خلال اسبوع
زين ان اليهال شجعوج على الزراعه
وهذا درس بيتعلمون فيه من غلطهم
للاسف اذا كان اللي حطيتوه مع البذور سماد قوي ومب مجرد تربه سودا
فالبذور ما بيتحملوه بيحرقهم
لكن اذا كانت مجرد تربه سودا فبيطلع باذن الله خلال اسبوع
شوفي موضوعي عن كيف تزرعين خضرواتج خطوه خطوه وباذن الله بتستفيدين
الخلاصه انتظري اسبوع او اقل طلع الزرع الحمدلله
ما طلع يا اما اتعيدين التجربه بالخطوات الصحيحه
او تشترين شتلات جاهزه تزرعوها واتكبر جدام عيونكم وتستمتعون فيها
ننتظر الاخبار الساره
هذا رابط موضوع مشاتل عضوات تجمع حديتي خطوه خطوه
وبعد رفعته لان دوم الفاير فوكس يفشلني وما ينسخ الرابط
حياج حبيبتي في تجمعنا السادس
اما بخصوص اللي زرعتيه اذا طاف عليه اسبوع وما بين يمكن تكونين سمدتيه زياده
مثل ما قالت اختي ام جاسم
اما بخصوص اللي زرعتيه اذا طاف عليه اسبوع وما بين يمكن تكونين سمدتيه زياده
مثل ما قالت اختي ام جاسم
ربي يوفقك
والله انا كنت قايلة للريال يعطيني تراب مال الزراعة هو عطاني تراب لونه اسود مثل السماد بس مافي ريحه عيل بتريا اسبوع و ان شاء الله خير .