البشكارة والانترنت

السلام عليكم خواتي حبيت اعرف رايكم في موضوع انه البشكارة يكون عندها موبايل وبعد تشترك في خدمة الانترنت وتدخل الفيس بوك ويوتيوب وغيره منو تعارض ومنو توافق ؟؟ وهل ممكن البشكارة تقوم بشغلها على اكمل وجه وفي نفس الوقت عندها النت ؟؟! موضوع للنقاش

انا سامحة لها خدامتي وبكيفهاا ..
اصلا ادش بايباد بنتي تتابع افلام اكثر شي

شغل من يت عندي فهمتهاا اهم شي عيالي من استلم عيالي تخلص اشغالعا وترتيبهاا وكوايهاا وغسيلهاا باقي الوقت من حقهاا
هيه بعد انسانه وتمل وتطلع من عند اهلها والي يعزونهاا وربيعاتهاا وخواتهاا وتحتاج شي يسليها

ما فيها شيء عادي

عيبني راي ام ريااا

واكيد وايدين بيعارضونه

بس صدق يعني على حسب الخدامه لو شفتيها زينه وتخلص اشغالها وكل شي بعدين تتسلى احس عادي

اما انها ماتشتغل وتضيع الوقت بالنت وغيره لا والله هاي لازم تصلبونها

انزين والي تحط صورها عالفيس بوك وتتعرف ع شباب و تحط صور عيال اهل البيت؟؟

انا بصراحه خدامه ابوي هزبتها هزاب يوم عرفت ان عندها فيس بوك

لانها تستبخل الدرهم ع اهلها و ماتطرش لولدها وتبانا نحن نيمع لها فلوس و تطرش لهم
و بالاخير انصدم ان عندها فيس بوك و محطيه صورها و صور بيتنا و هي توه امي ماخذذتنها وياها العمره

تبا تكلم اهلها عندها تلفون ماله داعي هالمنكر ملانه فالمطبخ في تلفزيون

هو يعتمد عالشغاله والي تسويه فالبيت

لا و الف لا تتسلى تراهم يطلعون ويانا المولاتو المطاعم و كل مكان شو هالمنكر بعد و يتصلن حق اهلهم متى ما يبون شو دراني شو اتسوي و لا شو الافلام الي تطالعها و شو الصور الي اتوزعها يمكن اتحط صور اهل البيت مب لابسين و لا محشمين

اعرف انها انسانه اتسولف مع شغالات الجيران و تلفون اتكلم اهلها و تطلع معانا كل مكان بس مانكبر راسها باجر اتسوي غلط و افلام خليعه وتتعرف على شباب انا احصل اثم لاني انا الي عطيتها كل الوساىل الي اتساعدها على الغلط