شو يخصج بالبشكارة

خواتي انا ببدأ من بداية العنوان ,,,, ومتلخبطة ما اعرف كيف ابدأ ,,, بس صح ان بعض البشاكير

يشردن من البشاكير الثانيات والبعض من مكاتب الخدم بس في نقطة ثانية ,,, الحريم وخاصة الحريم اللي ماعندها شغل وربيعتي
تخبرني …..

انا بشكارتي في العيد تقولي ماما وحده دايما تي وتيلس معانا وتسأل كل وحده من البشاكير شو ماما زينه ….. ومن هالاسئلة

البايخة واللي مالها معنى انتي شو لج تيلسين ويا البشاكير شو تبين منهم وليش لها الدرجة تنزلين مستواج انا قلت

يمكن تعايدهن او بالعيد بس تقول اختها خبرتها بشكارتها بعد اللي ذكرناها تيلس معاهم يوم البيت يكون زحمة فتستغل الوضع

وتقول مب بس في العيد ….وربيعتي (2) نفس الشي تقولي بشكارتها سارت الصيدلية حذال البيت يت وحده شامية لان البشكارة

قلدت رمستها وهيه مشتغله بلبنان تقول سالتها اذا ماما زينه ولا لا تعالي اشتغلي عندي ,,, وبعد يوم سرنا الجمعية اشوف وحده

حرمة بعباتها ترمس بشكاتي اعتقد تشتغل بالجمعية فما ادري مواطنة ولا لا …………

ووانا اقول ان كل وحده يخصها من بشكارتها وبس شو يخصج ببشكارت غيرج وليش هلااسئلة منو هن محقق خدم ولا محامي حقوق

الخدم ,,,غريبة والله هالحريم يمكن حالة نفسية فيهن أو مريضات نفسيا او عندها غيرة ونقص مااعرف كيف اوصفهن المهم انا

كتبت شي يقهر والله واتمنى اسمع شو الحل او ردود حلوة ماتكون ضدي الا اذا كنت غلطانه بكلمة فانا اتقبل النقد ……

أنا اعاني من هذا الشي في البيت من وايد ناس بشكارات حريم كبار الله يعين يختي الله يكفينا شرهم ويجعلها في نحورهم روحها العرب مب مترقعه.منهم

عن نفسي اسولف ويا البشاكير واحب ابتسم لهم مهم كان هم مش حديد تراهم بالنهاية بشر طبعا مب اي بشكارة اقعد ادق علوم وياها اسولف ويا الي اعرفهن عدل طبعا بالسريع مب ابسط وياهن ماشي شغله مثلا . بس ما ادخل بخصوصياتهم يعني مالي علاقه بشغلها ولا بربة البيت ولا بالبيت بس في ناس تحب تتخبر البشاكير وتاخذ وتعطي وياهم عن اسرار البيت الي البشكارة تشتغل فيه وطبعا هذيله الفئة احسها تافها وما احبها نهائيا لانه ماله خص باسرار العالم يعني ماله داعي تطفلون على خلق الله
احسن شي الوحده تيب وحده طمه ما تعرف عربي لان حتى البشكارة تنقل علوم البيت لبقيت الخدم وهم ينقلوهن لمعزبينهم وفي حريم ما شي شغله الا شو سوت فلانه وين سارت وشو اشترت ههههههههههههه وين تبي مب قاصر تسئلها كم مرة تدخل فلانه الحمام باليوم

اختي مافيها شي اذا سولفنا مع البشكاره في الاخير هم بعد بشر

بس اللي مانحبه ان الحرمه تسير تتخبر البشكاره شو ماما زينه معاج وكم تعطيج راتب

تحسس البشكاره انها هامتنها وتحاتييها
ومن هني تاخذ وتعطي وياها وتاخذ علوم البيت

فـ احسن حل لاتخلين الخدامه اطول بالمكان اللي في هالفئه من الاشخاص والغرب

الا اذا حد من الاهل برايها

ربج كريم يا اختي الله يكفينا شرهن يارب

تسلمين اختى كلامج صح …..نحن بعد نسولف ونسلم عالبشاكير لان نحن محاسبين عليهم بس القهر من هالحريم اللي تتطفل بكل صغيرة وكبيرة …

ماقلنا شي ومافيها شي لو سولفنا وياهن واعرف انهن بشر بس انامعاج باللي تتفلسف وتسال عالراتب وعن اخبار الخدم