استفسار بخصوص تعميم هروب الخدم

السلام عليكم ورحمه الله وبركاته

خواتي عندي استفسار عن تعميم الهروب
كانت عندي فلبينيه كملت سنتين وعقب قالت تبا ترجع تشتغل عندنا
وتمت تترجاني نجدد جوازها ونسوي لها اقامه يديده
مشينا على كلامها وسوينالها اقامه يديده ووديناها سفاره بلادها عسب تجديد الجواز وسوينالها بطاقه الهويه وتذكره سيره ورجعه
قالت بتم هناك شهرين وبترجع ونحن صدقناها
سافرت تاريخ 15 _10 وتاريخ الرجعه 15_12
قبل موعد رجعتها اتصلت فيها وما ترد علي ومرات تسكر بويهي الزطيه
سار اتصلت لبشكاره ربيعتي وقالت لها قولي لهم ما بيي وبسير اشتغل مكان ثاني ولا يتصلون فيني

الله لا يوفقها ان شاء الله .خسرنا عليها فوق ال5000 عسب ترجع .غير العطيه والهدايا الي اشتريتها حقها والبيزات الي عطيناها

بس طلعت ما تخاف ربها ونكرت المعروف

ريلي سار الجوازات وسوالها تعميم هروب وقالوا له هالتعميم بيحرمها من دخول اي دوله
وعقب قالوا له الدوله الي عندها نفس نظام بصمه العين الي بالامارات بس

الحين انا ابا اتاكد هل صدق هالتعميم بيحرمها من دخول البلاد وكل دول الخليج الي عندها نظام بصمه العين

النظام القبلي كان حرمان دخول الدوله مده 6 شهور وعقب تروم ادش

بس الحين بالجوازات يقولون حرمان نهائي

الي تشتغل باداره الجنسيه والاقامه او تعرف حد من اهلها يشتغل هناك ياليت تفيدني
بصراحه ها اقل شي نسويه لهاا .عشان تحس بغلطها الي ما تخاف ربها
ان شاء الله يكون صدق هالحرمان .خلها تخيس ببلادها

اتريا ردودكم بفارغ الصبر خواتي

موفقه الغاليه.. اختج @مبدعه@

لا حول و لا قوة الا بالله

بالتوفيق

الي ما ترتاح ما تطلب تجديد الله المستعان حجج غريبه بس دوم المواطن هو الشين شي معروف البعض بيدافع بالنسبه لصاحبة الموضوع اولا لو حتى نظام بصمة العين مستخدم بدول ثانيه اعتقد انه الريسيفر غير ولا الدول كلها من الشغاله اتحط عيونها بالامارات تستقبل فحص العين عندها الريال شكله والله اعلم يستهبل روحوا عند غيره انا اقولج صارت عند وحده من قرايبنا وخبروها لازم تتريا ست شهور بس اعتقد انه هالشي من قبل اتاكدي احسن بس موضوع الحرمان الابدي هذا تأليف من عنده

اختي كلامج على عيني وراسي وصح ان المسامح كريم بس هيه ظلمتنا حسبي الله عليها
خلتنا ندفع بيزات عالفاضي وهي تعرف ظروفنا عدل
وعن سالغه انها ما ارتاحت .والله ياختي كنت اعتبرها كانها وحده من العايله ومحد مقصر وياها
ولا نحسسها انها غير عنا .اكلها من اكلنا .نسافر وهي ويانا والي تباه نوفره لها .الصبح تقوم على كيفها ودوم مقصره ونحن مستحملينها ونقول ماعليه بتتحسن
وفوق ها كله ظلعت ما تعرف الاحسان ولا قدرت النعمه الي فيها

حتى لو ما صار الحرمان .ربي بياخذ حقنا منها وبطيح مع ناس يلعوزونها وهاك الساعه بتعض ايدها ندم باذن الله