مـا أعرف من وين أبدآ..
و كيف ألخص سالفتي..
لكــن..
اعتقد في كثير من الخوات اللي يعرفن سالفتي
و اللي ما تعرفها اتسوي بحث و تقرا التفاصيل هنيه ..
https://forum.uaewomen.net/showthread.php?t=565062
خوآآآتي..
بصراحه / أنا مووول ما توقعت إني ممكن أنزل جزء ثاني لمشكلتي..
و ألحين بعد تفكير طوييييل قررت إني أنزل الجزء الثالث / و الأخير إن شاااااء الله..
لنه خلآآآآص لآآآآعت جبدي من التفكير..
وأحس إني صبرت بما فيه الكفآآآيه / و عطيت الموضوع أكبـــر من حجم الشخص اللي سببه !
و الهدف الأساسي من موضوعي
إني توصلت لـ كذا حل نهائي..
بعد ما ردن عليه وآآآيد خوات فـ موضوعيني اللي قبل / و فـ الرسايل الخاصه بعد / يزآآآهن الله خير و كثر الله من أمثالهن..
فدييييييتهن .. و الله انهن ينحطن ع الجرح يبـــرى =)
و أنا خلآآآص حددت وقت نهـــائي للـ سالفه..
و اللي هو (نهــاية هالسنه) / آخر هالشهر .. ان شااااء الله ..
و عاهدت نفسي انه من قبل ما تمر أووول ثانيه من السنه اليايه أكون خلآص نهيــــت هالسالفه و سكرتهااااا..
و اتخذت آخــر خطوه لحل هالمشكله / اللي صج ما أتمنى اي بنت اتمر فيها..!
بــس / قبل لا أقولكم شو الحلول اللي ممكن أسويها
بخبركم بـ كذا نقطهـ / عشان لحـــد يقترحها كــ حل..
و ممكن ما أقول كللل النقاط / لني ما أروم أتعمق وآآيد بالتفاصيل..
لكن / تأكدوا انه هاي هي كللل الحلول اللي ممكن أقدر أسويها / أو بالأحرى تتناسب ويا تفكيري / بيتنا / أهلي ..
(( أمـــي ))
ما أقول غير الله ايسآآآآآمحج / ولا يحط بنت تتريا من امها شي مثل ما كنت أحلــم انج تتخذين اي موقف ولا اي قرار لصالحي =(
(( أمـــي ))
خبرتكم بإني أنا سرت عندها مرتين
مره بالموضوع الأول .. و خبرتكم باللي صار..
بعدها سرت عقب ما طافوا كمممممن شهر..
بس ما خبرتكم بالتفصيل شو الرمسه اللي عقتها علي !
قالت لي : انت ما تستحين اتبطلين هالسوالف وياي!
و بلاج متصرقعه ع العرس! هدي !
و شوي عصبت..
و حسستني اني صــــدق ما صدقت انه هـ"الشيخ" / اللي هو ولد اختها يا و خطبني/ وإني أبغي آخذه اليوووووم قبل باجر !!
و جان أصيـــح يدامها من الغصه وإنها لييييش جي تفكر
((و ع فكره / أنا من النوع اللي مووووووول ما اداني اصيح يدام بيتنا
ابدااااااااا !!))
حتى اظني بعمري كلللللله من كبرت ما صحت يدامها الا ٤ او ٥ مرات بالاكثر!
و هاي كانت اكثرررر مره اصيح فيها =(
و تفــــــاجأت من بروووودها !!
و بسسسس رامت اتبرد خاطري بقولها انها مااا تروم ترمس خالتي
"الااااا" اذا يا حد و خطبني / لا و بعد مب لله / من باب " ديني " عسبة ما تيوز خطبه ع خطبه ..
و شلت عباتها و سارت عند اختها
وأنا هنيه كنت بتخبـــــل من القهر !! =( =(
(( أمـــي ))
اعترفت لي في نفس المره اللي طريتها فوق
انه بنفسسس الوقت اللي خالتي خطبتني فيه
خطبني حد ثاني!
بــس / هي ردته لنه ع قولتها خلآآآص أنا مخطوبه لولد اختها !!
و انه اللي انعرف احسن من الغريب اللي ما نعرفه ..
( انزين يا امي في شي يسمونه سؤال عن الريال )
بس لااااء / ولد اختها بعينها فوووووق
و محد يقدر يوصل مستواه بعيونها !!
(( أمـــي ))
للــ يوم هذا تاخذ و تعطي بـ السالفه براسها
و يمكن براس حد ثاني بعد وياها
ع أساس اني خلآآآآص موافقه
وأنا لا قلت لها موافقه / ولا قلت لها اني استخرت اصلا / ولاااااا شي !
ولا هي تعبت عمرها انها تسألني أبدااااا !!
(( أمـــي ))
و هنا تأتي الطامه الكبــرى ^ـ^
في يوم من الايام سمعتها اتكلم حرمه و اتقول :
" و الله يا ام فلان انتوا و الله و النعم فيكم / و انتوا ناس ما عليكم كلام ما شاء الله / بس فلان … "
و باقي الكلام كان وصف لـ هـ الفلان و ظروفه المتعقده شوي..
وأنا كنت يالسه و مبطله عيووووني ع الآآآآآخر ❊ـ❊ !!
و تميت اسمع للـ نهاية / و انه الله يوفقه ان شاء الله و يرزقه بنصيب ثاني وجيه!
و بندت عنها و خطفت من صوبي و كأني ( جماد اميلس ) !
أنا هنيه ما بقول هي ليش ما خبرتني / ولا ليش ما خذت شوري / لاااء !
هي أمي و ع عيني و راسي / وأنا احترم تفكيرها و قرارها
و مقتنعــهـ انه رفض هـ الريال لـ مصلحتي / عآآآدي
لكــن اللي صـــــج حز بخاطري
انه الحل ياها لييييين ريلها و هي رفستــــــه !!
ليييييش يا امي !!
مو إنت قلت انج بتخيرين اختج إن كان تباني ولا خلاص جان حد ثالث دخل..
انزين لييييييش اتردينه بدووون ما تخبرينها !!
بنات كان وآآيد امبين انه هالمكالمه ما كانت أول مكالمه / يعني مثلا اللي بتقول انه يمكن امي انصدمت من طلب الحرمه الأولى / لااااء !!
كان واااضح انه امي على علم بهالشي من قبل / و كلامها كان كـ رد ع الحرمه من بعد فترة تفكير..
و اللي بتقول انه الريال ما كان زين / و انه لو امي خيرت خالتي و خالتي قالت خلاص ولدها ما يباني / اصلااااا ما كانت امي بترضى ع الثاني..
انزين حتــــي لو !!
خالتي ما استحت منها طووووول هالشهوووور خلتني امعلقه!!
و (المفروض) و (المنطقي) انه امي بعد ما تستحي و تعطيها خبر بهالشي ع الاقل
و مااا اظن انه امي ملزومه بها الحاله انها تعطي خالتي موجز عن اللي ياني ..
ولا اظن انه خالتي (المفروض) ايكون لها ويه و تسأل في حالة انها ما عادت تباني..
خلاص ، امي بتقول لها ما استوى نصيب و خلاص !!
يعني كانت أمي تقدر تنهي عذااااابي و كلللللل الأرف اللي عايشتنه
بس لييييش يا أمي ليييييش =(
( نقــاط ثانيه )
* لحد يقول لي الولد مب مستعد ولا ما يدريييي
مليووون جمله انقالت يدامي انه يدري / و انه كللللل اموره تمام و مقتدر و متفيج و ما فيه اي علللله..
ولا بعد هو رووحه يباني
لنه كذااا مره امه قالت انا ما اروم اغصب عيالي انه ياخذون حد
هم بروحهم يختارون اللي يبونها !!
* اذا هو ما يباني أنا أحينه / لييييش ما ايسير يخطب وحده ثانيه و يبلشها فييييه!
ترى خواته ذلووووني و هم يمدحون فيه ليل نهاااار و يتريووووون خطبته ع أحررر من الجمر !!
*بعد كلللل المذمه اللي فوق / خخخخـ
بقول شي و الله حق !
انه بحكم اني تربيت وياهم / فأنا أعرف انه مب من النوع التافه ولا المتسرع من الشباب / يعني اللي ايجوفه ايعرف انه من النوع الرزين و العاقل و السيييده
و هو متدين و محافظ بعد..
بس ع قولة ربيعتي:
شوووو فااايدة ها كللللله ، يوم انه الاخلاق ويا الناس مب عدله !!
دين بليا اخلاق في التعامل ويا البشر ما تنفع (أونها تقصدني حليلي^ـ^ )
يعني الزبده / هو مب متهور و من النوع اللي اليوم رمسه و باجر ينساها ..
* و الأهــــــم من كلللل شي
انه نحن يا بنات وااااااااااااايد وياهم
و للحين نتجاوف وااااااايد..
يعني ( و عثره ! ) ..
موووووول مب قادر عقلي يستوعب انه هم لهاااا الدرجه ويانا و جي يسوون فيناااا
ولا يعني خالتي موووول ما حطت في بالها انه اذا ولدها ما كان صج (جــاد) ممكن علاقتنا فيهم تتأثر و تخترب !
لا و القهر احينه انسير و انرد ويا بعض
ولاااااا جنه شي مستوي !!
آآآآآه يا قلبي / بنجلط من الأدب اللي أجوفــه !!
ألحيــن نيي للــ حلول ..
هم تقرييا متشابهيــن .. لكــن النتيجه تختلــف ع حسب الشخص اللي بتتنفذ وياه ..
١- أكلمه هو و أقوله كآآش " يا فلان أنا ماااااااااا أباك " !
و بليز حل السالفه بروحك و طلع اي عذر و انهيها..
( لنه خالتي حضرتها بتزعل اذا درت اني أنا اللي مابا ولدها )
بــس / اذا كان هو ريال و ألف اسباب من عنده و طلعني من السالفه..
بفتك من الزعل اللي ممكن يستوي ( لنه ما اظن امي ممكن تزعل علي أنا ) ..
كللله ولا اختها المصووون !!
٢-أخبر اخته (اللي اونها ما اتعرف السالفه ) انها اتخبره إني ما أباه..
و إني أجوفه شرا اخويه و جي..
و هالحل اجوفه اسهل حل بالنسبه لي..
بس هي عاد اكييييد بتخبر امها بعد ..
و بيستوي الزعل اللي مالي خلقه ولا له معنى !
٣- احم / في خوات قالوا لي ألفي قصة خطبه ويا ربيعاتج يدام امج
بس بدل لا اسويها ويا امي ( لنه اصلا استوت صج وما فاد )
بسويها ويا خالتي..!
يعني بطرش حد يرمسها اونه انه يبون يخطبوني بس سمعوا انها حاجزتني حق ولدها .. فـ هم اونه يستفسرون هل ولدها بعده يباني ولا هم ايون يخطبوني ؟!
بــس / جد / ماباااا هالحل !!
لنه ماباااا ايي يوم و ايكلفون على عمارهم و اييون..
لنه خلاااااص / عآآآآآآآفتهم نفسي ..!!
و محــــد من بيتنا حااااس فيي / فـ اذا قلت لاء بوقتها القيامه بتقوووم و محد بيوقف وياي .. و كللللل حد بيزعل مني ..
(( لنه ما يحسون بمعاناتي النفسيه قبل ولا أحين ))
و اونه اذا يا خلاااااص يعني / لااازم انسااا اللي طاف لنه خلاص انتهى و اتصلح
و (يمكن) انغصب اني اوافق / وانا مابااااااااا هالشي !!
مستحييييييييييل =(
فــ شووو رايكم انتوا..
اي الحلــول برايكم انسب (منطقيا) + (عقليا)+(نفسيا) لي ؟
بليز نبا تصويييييت / هـــع
ملاحظه اخيره:
ترى (والله) أنا عايشه حيااااتي و مستمتعه فيهاااااا ..
بس (طبعــي) ما أحب أخلي مشاكلي معلقــهـ !
ولا (أنقهــر) ع شي احسه ما يستاهل مشاعري وايــد !
اللي بتقول لي انسي و طنشي / فلا اتعب عمرها و اترد..
ما ابغي اجوف مثل ها الردود لنه ها ((واقع)) و عشته بما فيه الكفايه..
و ((أحين)) أبا الفكــــــه منه !!
و اللي اتقول لي هاي مجرد رمسه ومب شي رسمي..
ترى مستحييييييل ولد يخطب بنت من هله دون شور و علم أبوه
و أمه بلغت أمي انها اتخبر ابويه ..
يعني الرياييل على علم ..
و يزاكن الله خير مقدمــا =)
بس انا ما قدرت اخلي الامور معلقه اكثر من شهر وخليت اختي تتصرف معاه
وقالت له اختيه ما تباك ومن هالكلام واتفقنا معاه انه يقول لاهله ان نحن ما تفاهمنا
وهذا اللي صار وافتكيت…
وانصحج اتخبرينه هو احسن لان اخته شي اكيد بتخبر امها وبتكبر السالفه ومدري كيف
الله يعييينج .. قسم بالله ه الاهل بلشهـ
بس أنا متأخرة على دورة الحين
إن شاء الله لي رجعة وبكتب لج
بس أهم شي أقرا المقلات الأخرى لج
والله يوفقج الغلا
انتي مثل ما قلتي تعيشين حياتج مستمتعة وهالمشكلة ما اتم جيه فترة طويلة اكيد بييي يوم وبتنحل
( منهم )
لانج انتي المخطوبة وصدقيني توكلي على الله وهو بيسر لج امرج
انتي سويتي اللي عليج وكلمتي امج وروحج قلتي بتنسين السالفة عقب شهر فالسنة اليديدة
انزين انا اقترح عليج من الحين تنسين حفاظا على صحتج
من كلامج مبين انج وايد تحاتين من هالسالفة وشكلج وايد من منزلة مواضيع عنها
يعني بالعقل شو بتسوين اكثر عن جيه !!
خبري الوالد خليه يفهم انج يوم الحساب رح تحاسبينه اهو وامج انهم للحين ما تزوجتي وانج ما تبي ولد خالتج وخليه امج تخبر اختها انه ما في نصيب وحرام يقطع نصيبج اذا ما يبايج
خلي الوالد يحط حد للموضوع انتي لاتتصرفي من عندج
ترى الوالد يقدر يحلها اذا يبغى
خبري الوالد نصيحتي يحط حد لامج ولخالتج ولولد خالتج
وموفجة ياعمري
واذا ياج ريال زيين ماظن امج بترفضه عشان ولد اختها
واذا تبين تفتكين من السالفه رمسي اخته وخليها تقوله انه ينهي هالخطبه اذا هو مب جاد