أخواتي العزيزات عندي استفسار بخصوص سقف المطابخ والله يعزكم الحمامات
ِشو أحسن نوع سقف؟…. إلي أعرفه ان أغلب الناس يركبون شي إسمه فورسيلنج بس ما أحس إنه راقي بالنسبه لحمام أو مطبخ في فيلا .. يعني لو في ملحق أو لقسم الخدمات في البيت مثل حمام البشكاره أو غرفة غسيل الملابس أحس أنه ممكن يتركب بس لباقي حمامات البيت وخصوصا حمام الصاله والميلس والماستر فأحس إنه المفروض يكون شي أرقى
أنا شايفه وايد صور في النت وعلى الواقع في بعض الفنادق أسقف من نوع ثاني اتكون بيضه وساده.. ما أدري شو هي ويتركب فيها سبوت لايت فتطلع راقية وتعطي منظر حلو.. ما أدري إذا كان هذا جبس .. وفي حال كان هذا فعلا جبس .. ماله سلبيات؟؟ مثلا يتكون عليه العفن بسبب الرطوبه إلي في الحمام أو يسود بسبب الدخان في المطبخ.. وفي حال اتوصخ هل يمكن تنظيفه بسهوله بحيث إنه ما يخترب.. وهل هو عملي في مثل هالأمكان يعني هل يتحمل الحراره؟
بليز إلي عندها معلومات عن هذا النوع من الأسقف ترد على الموضوع وإلي عندها أفكار لأسقف من نوع ثاني بعد بليز تطرح هالأفكار وياريت لو ترفق بعض الصور عشان توضح الصوره للجميع وإن شاء الله تعم الفايده على جميع المطلعات على الموضوع
أتريه الردود ^_^
سلام
الحمامات والمطبخ واجزاء من الصاله
فيها الجبس او الجبس بورد على ما اظن وداخله كل سبوت لايت
صدقج شكله وايد ارقى
وما ينعرف اللي يجوفه يفكره يدار
وفوق كل هذا للحين صارلي في بيتي سنه وكمن شهر
ولله الحمد ماصار فيه شيء
اماباقي البيت لان الحمامات عندنا جزئين الجزء الخارجي اللي تكون فيه المغاسل الاسقف جبسيه اما الحمام الداخلي استخدمت استيل وهذا النوع يجي بألوان متعددة وباشكال كانها خشب واشياء لامعه واخرى مطفيه وهذا النوع يتحمل الرطوبه الناتجه عن الاستحمام والبخار
بس لو ممكن كل وحده تعطينا فكره عن أسعار هاي الأسقف وأسماء بعض المحلات إلي عندها جوده في الشغل وأسعار مناسبة
بالنسبة للأخت شماريخ.. شو ألوان الستيل وكم صارلج مركبتنه … وشو أسعاره لأن أول مره أسمع عن أسقف ستيل وإذا في إمكانية نشوف بعض الصور
سلام