ساعدني في جزء من الفيلا

بنات وحريم بغيت منكن مساعده
بخصوص الفيلا
والجزء الاساسي عندي وصار لي اسبوعين ومب عارفه شو اسوي بالضبط
الدريسنغ حجمه 7*9
والحمام حجمه 8*9
ومحتاره وااااااااااايد واااااااااااايد في الترتيب والتنظيم
ماعرف كيف اضبط الكبتات وماعرف كيف اضبط الاماكن في الحمام
احس الحجم موووووووووول مايساعد حاولت قد ماقدر اني اكبر منه وللحين احسه وااااااااااايد واااااااايد صغير الحجم
فاللي عندها خبره في هالمجال تساعدني يزاكن الله خير
طبعا الدريسنغ بس بيحتوي عالكبتات يعني اقل شي ابغي 6 بيبان يشمل الرفوف وعلاقة الملابس
والحمام يشمل المغسله المرحاض عزكن الله والبانيو هاي غرفة زجاج للسباحه ماعرف شو يسمونه
وهاي الصوره عباره عن توضيح بسيط
واتمنى اللي عندها خبره تساعدني

يمين 7*9

مرحبا اختي
لو تقدرين تصغرين من الحجره شويه و من غرفه التبديل
الان واااايد الحجم صغير .
يعني من راي غرفت التبديل لو كانت مثلا 6 كبتات خليهن 3
ولو الحجره كبيره خلي كبت ثاني في الحجره ,
احس اهم شي يكون الحمام لو مب كبير وسط ..

استغفر الله العظيم

للرفع

تسلمين فديتج عالرد
الغرفه صغيره بعد وايد 16*12
والتبديل والله مايصير اصغر لان ماشاءالله ملابسي وملابس يلي وايد وايد ونحتاي 3 انا و3 هو
انا فكرت في كبت في الغرفه بس احس المكان بيضيق زود
صح كلامج وهاللي محيرني وايد