تعرفون عاد دايما احطلكم موضوع من هني و هناك عشان ما تملون من فن لف الورق
اشتريت طباعات و اول ما وصلن قلت بجربهن
وشوي شوي يلست احط اشيا على الطبعه الي سويتها
ما بطول في الرمسه … شوفو الصور
هذي الطباعه الي استخدمتها …
عقب ما طبعت في دفتر الرسم يبت صمغ و حددت مركز الورده بعدين رشيت لماعي وردي بس ما كان عندي وايد منه فكملت باقي الطبعه بقلم ثلاثي ابعاد لماعي (جيمة الانبوب الواحد 10 دراهم تقريبا)
وهذا شكل الطبعه مع تحديدها بألوان مختلفه من القلم ثلاثي الابعاد …. الالوان مب مبينه لانه يبالها من 6 الى 12 ساعه عشان تنشف ويبين اللون
عقب ما نشفت يبت الوان مائيه ولونت الورده و اوراقها … عاد صارلي زمان ما استخدمت الوان مائيه (من ايام الاعدادي) ههههههههه
ضربت فلاش في التصوير اونه عشان تبين اللمعه في الصوره 
ها شرايكن في محاولتي الأولى ؟
قلت بسوي هالحركات في بطاقات و توزيعات
ان شاء الله تضبط افكاري ^_^
جربيها على الزجاج
تطلع جنان
المشاركة الأصلية كتبت بواسطة Blo0owi 
جربيها على الزجاج
تطلع جنان
عيونج الحلوه 
الجماعه في الدوام قالو نفس الشي
ان شاء الله قريبا ببتدي في الرسم و التلوين على الزجاج
عنابه ناويه تكتسح مجموعه كبيره من الاشغال اليدويه … هههههههههههه
I tried them on glass but I’m not that much into "painting" so I hate coloring stuff
but I tried them on the board which should be with you
it worked just fine
وعلى الزجااااج بتطلع واااااااااااااااااااااااااو
لا تنسين اتراوبنا كل شي يديد
بس بغيت اسال شو قياس ها الطباعه؟