اخواتي بغيت حد يعلمنى كيف اسوي شال من الصوف اريد اسويها هديه
بليييز للي تعرف تسوي شال من الصوف او تشتغل في الصوف تعلمنى وجزاها الف خير
بس أريد أعرف انتي عندج أي خلفية عنknitting
الصراحة ما عرف شو اسمه بالعربي سامحيني
بس هو الشغل بالسنارتين اللي تريدينه و لا بالسنارة الوحدة يعني كروشيه
مشكوره على ردج فديتج انا ما عرف شي ابد عن الكورشيه بس حابه اتعلم شفت دورة الكورشيه اللي في هذا القسم بس حابه اعرف اكثر وبشكل اسهل لاني اريد اسوي هديه وان شاء الله اقدر اتعلم في اقرب فرصة
بكون شاكره لج اذا ساعديني
كثير من البنات حابه تتعلم الكروشيه
واهم مافي الكروشيه هو الصبر والتأني وعدم الاستعجال
ولا تعملي غرزه جديد الا اذا اتقنتي الغرزة الاولى
وتحفظي شكلها بالباترون
وشكلها بالرمز
وطريقة عملها
وارتفاعها
والتطبيق البسيط عليها وهذى كلها نقاط مهمه لازم تعرفيها على كل غرزه من الغرز الاساسيه
وطبعا لازم تكوني مستعده بالابره والافضل تكون مقاس كبير والخيط يكون من الصوف السميك وهذا افضل للمبتدئات حتى يشوفو الغرز بوضوح
طبعا انا خبرتي متوسطه بالكروشيه لكن راح استعين بصور المواقع وشرح بسيط مني وشرح البنات لان انا ماعرف اشرح الكروشيه بالضبط بس افهم فيه
اول خطوه :
هو لازم تعرفي كيف تمسكي ابرة الكروشيه
وهناك ملاحظه
ان راس الابره دايم يكون مقابل وجهك بالعمل هذى النقطه خليها في بالك
وطريقة مسك الابره اختاريها على حسب راحتك… لان في كذا طريقه لمسك الابره
واول خطوه مشتركه بالخيط والابره في عالم الكروشيه هي
العقده
لازم نعقد الخيط على الابره حتى لا ينفك العمل منا وتكون هذى البدايه
واول غرز الكروشيه والاساسيه هي غرزة السلسله
تسمى Chain Stitch
اختصارها : ch
رمزها : chain.jpg
طريقة عملها :
بعد ما عملنا العقده .. راح يكون معانا على الابره مثل الحلقه الصغيره … نسحب منها الخيط بهذا الشكل ونجرها للخارج … ونكرر العمل فيكون عندنا شكل السلسله
___________________________________________
ملاحظه مهمه :
ان كل غرزه لها ارتفاع يقابله عدد من السلاسل الواجب تركها فى بدايه السطر وكذلك شغلها فى نهايه السطر للحصول على عمل واسطر متساويه متناسقه
غرزة المنزلقه :
اسمها:
slip stitch
اختصارها:
sl st
رمزها
slst.jpg
طريقة عملها :
هي تكون بمثابة الشبك مثل الدائره نقول نقفلها بمنزلقه
_________________________________________
غرزة الحشو : ارتفاعها يكون 1 سلسله
single crochet
اختصارها
sc
رمزها
sc.jpg
طريقة عملها :
________________________________________
العامود او البريد وارتفاعها 3 سلسله… يعني يجب ترك 3 سلسله في بداية هذى الغرزه او عمل 3 سلسله لارتفاعها
اسمها : double crochet
اختصارها : dc
رمزها : dc.jpg
طريقتها :
وغرزة العامود او البريد … ممكن يصبح لها اكثر لفه على الابره
وكلما زاد عدد اللفات على الابره زاد ارتفاعها
وهذا الجدول سوف يوضح لكم شكل كل من الغرز السابقه
________________________________________
طريقة التناقص
decrease= تناقص
التناقص لغرزة الحشو
single crochet decrease
التناقص في غرزة العامود
double crochet decrease
وطريقتهم متشابهه وهي جمع لفات الغرز على الابره ونسحب منها الخيط مره وحده من الثلاث غرز
والصوره راح توضح الطريقه …. والرمز واضح بالصوره
______________________________________
طريقة الزياده
increase= الزياده
الزياده في غرزة الحشو
single crochet increase
الزياده في غرزة العامود
double crochet decrease
______________________
غرزة الفوشار
اسمها : popcorn
اختصارها : pc او popc
طريقة عملها
نعمل 5 اعمده في نفس المكان ونسحب من اخر غرزه بالشكل هذا
ورمزها واضح بالصوره
وهذا نموذج عنها
___________________________________________
اسمها : shell stitch
شكلها :
شكلها وطريقتها واضحه جدا وهذا رمزها ايضا واضح بالصوره
وتستعمل اكثر شي لتزيين الحواف
وممكن ادخالها ايضا في الاعمال الاخرى
تراني تعبت واااااااااااايد وبكمل انشاءالله في موضوع متكامل عن الكروشيه فيه صور وبترونات وكل شي بس اصبروا علي لين بعد اجازة آخر الاسبوع لأني بنشغل بالعيال ((( وأبوهم ))) .
سيري محلات الخيوط وخذي خيووط صووف وأفضل تاخذيين الحجم الكبير والإبرة اللي قياسها كبير بعد 8mm (حق تخلصينه بسرعه بما انج مبتدئه)
تعلمي بس غرزة السلسله وغرزة وحدة من الغرز الأساسيات (العمودية مثلا)
وابدي سوي 100 سلسله وعقب تمي رايحة رادة على الغرز بالغرزه العمودية وعند البداية والنهايه لكل دور يديد في شي لازم تسوينه اسمه الارتفاع وهو عبارة عن ثلاث سلاسل طايره (باعتبار انج بتشتغلين بالغرزه العمودية)
يمكن كلامي مش وايد مفهوم بس أحاول أبسطلج الأمور ..
وشرح السلسله والغرزة العمودية بتلقينه في دورة الكوراشيه اللي فالمنتدى ..
أتمنى إني أفدتج ..
الله يوفقج ويجزاج الف خير