من تعرف طريقة صنع العود المعطر تتكرم شااكره لها حسن تعاونها

السلام عليكم

خواتي منو منكم عندها طريقه حلووه لعمل العود المعطر ؟؟؟

اتمنى اللي تعرف ماتبخل علي .. وجزاها الله خيييييييير اللي بتقول لنا ..

حبيبتي انا بخبرج
في البداية اذا تبين يكون عودج المعطر غاوي وريحته روعة لازم يكون العود من الزين تاخذينه يا من عند اجمل والا الرصاصي..اذا حقج خذي ربع كيلو بس من الزين حبيبتي ونقي عطرين حلوات عربيات وكل عطر عبارة عن تولتين لان الكمية ربع تولة مثل ما قلنا في البداية وعطوراتج طبعا اتكون من محل راقي وانا انصحج بأجمل …

خذي علبة زجاج حجمها يكون مناسب لكمية العود الخشب وحطي العود داخل الغرشة وصبي العطور فيها ورجيها… وخلي الغرشة في مكان مظلم لمدة شهر تقريبا…طبعا لا تنسين يوميا ترجينها وتخلطينها عدل عشان العطر يتشرب العود……….

والنتيجة… عود معطر ولا اروع

والسموحة الغالية

ما شاء الله على امي….
اي عود عندها…يكون زياده او مب لين هناك!!!! تخلطه بعطور عربيه او فرنسيه من عند رواعي العطور….و يطلع فلته…………وريحته ولا اروع

تسلميييييين الغاليه ..

شكرا عالمرور..

مرحبا اختي ..

عندي سؤال ؟؟

الربع كيلو يكفيه 4 تولات بس ؟؟ يعني من كل عطر تولتين؟؟

احسه ما بيسد !!

وهل يكفي بس نوعين من العطور؟؟

ومشكوووووووووووووووووره الغاليه على الرد جزاك الله خيييييير

هابنات حد يقدر ايب الطريقه الصحيحه100%