خواتي…ها اول موضوع اكتبه في ها القسم..
مشكلتي ..كلها مرتبطه بحلم….من احلمه….لازم…اسمع….خبر(وفاه)…وانه حد مات
حلمته اول مره….توفت امي عقب 3 ايام الله يرحمها
حلمته مره ثانيه…توفى شخص عزيز علينا
حلمته وتوفى ابويه…
وياما وياما حلمته…..وكل مره يتوصلني اخبار حد متوفي خلال اسبوع..مب اكثر..يعني ماتمر خمس ايام الا يوصلني الخبر….
من احلم الحلم اتعب نفسيا…واكتئب….وافكاري تودي وتييب…واقول الدور على منوه ياترى…
احس بضيج…ولا اقول ولا اشكي لاي حد…..
اتم على اعصابي…..لين..اييني الخبر…
بتقولون صدفه بقولكم الصدفه تتكرر اكثر من عشر مرات….ونفس الحلم..
مع اني مواضبه على الصلاه…واقرا يومياالاذكار….وخصوصا يوم ادش الفراش…اذكار النوم
واتم استغفر لين انام….
اول امس حلمت الحلم……وامس كنت ناويه اكتب الموضوع….بس خفت اكتبه…ويتفسر بسرعه…
وتميت ادعي طول اليوم انه الله لايفجعني في قريب ولاحبيب….وتميت لامه عيالي عندي …وخايفه عليهم…واحاتي ريلي….والبارحه فليل والله انه يالس…يتابع مباراة الامارات…وانا عنده حاطه ايدي على راسه ارقيه بدون ما يحس…..من خوفي….ورحت لولدي ورقيته وهو راقد….وتميت استغفر وادعي لين نمت…..
خلاصة الكلام كله……اليوم .الساعه 11 الضحى اتصل فيني ريلي من الدوام قالي…..انه اثنينه من اهله اتوفوا في حادث…………..واثنين في المستشفى….اتوفى الريال وبنته…
انه لله وانا اليه لراجعون……ماقدر اقول غير جذيه…
والله مرات اكره النوم….بس عشان ما احلم هالحلم….
باختصار الحلم…هو((احلم انه ضرس من ضروسي يطيح……ويختلف من ضرس لضرس…واحيانا اذا طلع دم من الضرس…يكون احسن لانه الحلم يبطل بخروج الدم))) والله اعلم
انا ماكتبت ابغي حل…..لا ..ادري انه هذي ارادة الله…..والحلم تحذير او تبشير…بشي
بس ابغي دعواتكم انه….الله يفكني من هالحلم………….
اما اذا ظهر دم بالحلم فهو يبطل الحلم ….الله ييسر امورج..ويريح قلبج…ويبعد عنج هالكوابيس…^^
الشيء يستوي فجأه أهون من انج تقعدين تتريين انه يستوي .. الله يعينج ياربي
المشاركة الأصلية كتبت بواسطة قلب اماراتيه 
اما اذا ظهر دم بالحلم فهو يبطل الحلم ….الله ييسر امورج..ويريح قلبج…ويبعد عنج هالكوابيس…^^
يزاج الله خير اختي على المرور والدعوه الحلوه….الله يريحج دنيا واخره
المشاركة الأصلية كتبت بواسطة لافاندر الشيء يستوي فجأه أهون من انج تقعدين تتريين انه يستوي .. الله يعينج ياربي
مشكوره الغاليه على الرد……
والله صدقتي يا اختي الفجأه احس من اني ايلس على اعصابي كمن يوم…..وتلاقيني مثل اللي اتودع من كل اللي عندي ….واتحذر حتى في معاملتي وياهم عشان ما ازعلهم لاني اخاف …واحد منهم يروح عني….
وكل ضرس يختلف باختلاف النسب لعائله
يوم تحلمين قولي اللهم لا طير الا طيرك ولا خيرك الا خيرك .. لان التطيّر مو زين ومن الشيطان واللي انتي فيه ألحين تطير
استهدي بالله وارضي بالواقع وقولي الحمد لله .. فالله ما أعطى .. وله ما أخذ ..
ربي يشرح صدرج يارب ويبعد عنج الضيج وسوء الحلم