اممم في البدايه ماعرف اذا بتعتبرونها مشكله ..
بس انا اشوفها مشكله وحاولت اتخلص منها بس ماقدرت ..
واتمنى تساعدوني ..
بصراحه وايد اشيا ابغي اسويها بس الخجل يمنعني حتى لو هالشي ايجابي ولصالحي .. !
مثلاً ..
ودي اشتغل .. وودي اخذ خبره .. بس اخاف من الناس !
ماعرف ليش استحي واايد اظهر عندهم حتى لو ماعرفهم!!
لدرجه اذا بغيت اخلص معامله او اسوي شي في وزاره حكوميه
اخلي اختي تسويه لي !!
قبل فتره كان عندي تجديد معامله ..
بس مارمت اسير روحي ..
حسيت ريولي تيبست وتميت مستحيه ومنطويه ع روحي !
لازم اختي تسير ويايه عشان تمشي الموضوع !
الصراحه وايد حاولت اكون جريئه ..
استمر يومين ثلاث اسبوع وخلاص ترد لي نفس الحاله!!
مع ان وايد يقولون لي انتي جريئه وعندج ثقه والخ ..
صح هالشي
.. بس ظاهريا!!
وحتى لو صرت جريئه في بعض المواقف ..
اكره روحي واتم متضايجه ..
وحتى لو كنت بين بنات ..
مثلا غيرت ستايلي او لبست لبس حلو ..
واثقه من ذوقي انه حلو ومتاكده اللي حواليه عايبهم وخاطرهم فيه ..
بس اتم متوتره ومستحيه مااعرف ليش ..
ولاحظت شي ..
مثلا اذا كنت في محل اتشري اغراض ..
ولو لاحظت ريال في نفس المكان .. اتيبس مكاني من الخجل!!
حتى لو كان محترم ومشغول بالمشترى ولا حتى يلتف لي موول ..
ممكن البعض يشوفه موقف سخيف!!
صح انا اشوفه جيه بعد ..
بس يوم اعيش الموقف اتروع وخصوصا من الرياييل حتى لو مجرد مشي!! ..
واحيانا افكر .. لو اشتغلت وكان مسؤولي ريال .. كيف بتصرف معاه!!
ماعرف يمكن كلامي مب مرتب .. بس اتمنى تفيدوني ..
لأني صدق تعبت و ودي اتغير من هالناحيه ..
مافي شي يستاهل
عموما انا كنت جذي شراتج، مادري شو اقولج قبل كنت اخاف من الحريم حتى استحي اذا بغيت اخلص شي فمكان
بس الحين والحمدلله اتغيرت، تدرين شو سري
مجرد ما اخاف او اتوتر علطول ادعي و استغفر، وينشرح صدري سبحان الله
و بالنسبة للرياييل تراج بتكونين وياهم محترمة فماله داعي الحياء الزايد
المفروض اللي تتميع هيه اللي تستحي مش انتي
والسموحه
حطي لنفسج اسأله و جاوبي عليها …..
1. الي في السوق و المراكز و الدواير و العالم كله مب بشر و ناس حالج حالهم ؟؟؟ هم بشو يختلفون عنج؟؟؟
2. حد يقدر يكلمج او انه يأذيج في اي مكان عام و قدام الناس ؟؟؟؟؟؟ طبعا لا
3. ليش انا اخجل من الناس ؟؟؟
حبيبتي انتي بخجلج و مستحاج بتخسرين واااااااااايد اشياء في حياتج لا تخلين هالصفه تغلب عليج انتي تقدرين تتغيرين لا تقولين مستحيل .. بالعكس كوني واثقه من نفسج و من كل تصرف تتصرفينه
قبل لا تبدين بأي عمل و حاسه انج مستحيه و خجوله خذي نفس عميق شهيق و زفير ثلاث مرات او اكثر بس بالقو ومن الخاطر ….. دايما حطي في بالج ان انتي بتتحدين هالخجل وا لمستحى و بتقضين عليه و لا بيكون في حياتج
صدقيني الناس تحب الانسان الجريء إلي يخاطب الناس و ياخذ و يعطي معاهم …. الظروف و الحياه تجبرنا نتخالط مع الناس …. مثل ما قتلج انتي تقدرين تغييرين هالعاده لا تقولين انا خجوله من يوم ورايح قولي انا انسانه اجتماعيه
لا مكان للخجل و المستحى في حياتي …. كتبي هالشي في استيكر و حطيها على باب الكبت او باب غرفتج و كل يوم اقريها بتزيد من ثقتج بنفسج و بتترك طابع حلو في عقلج لحل هالمشكله ان شااااااء الله
ربي يوفقج و يسعدج ان شاااااااااااااء الله
بس موضوعج ذكرني بربيعتي كاااانت شراااتج واااايد واااايد تستحي…
حتى ما اتروم تروح المحل بروحها تتشرى لازم يكون حد معاااها مراافق ها كله عشااان تستحي واتقول انهااا اتحس تتمشى بعااالم ثاني اذا هي بروحها!!!
من كثر الخجل اللي فيهااا صااارت خوااافه و جباااانه وهي تعرف هالشي مب زين بس مب قادره تسيطر ع عمرهااا
حتى بدرجه اذا مرضت تروح المستشفى مع اهلها و تقول لهم انتوا ارمسوا مع الدكتوره وقولوا شو فيني لانه هي ما تروم ترمس تستحي وااااايد….
لين ما ودرت هالشي تدريجا من قبل الاهل طبعاااا …. يعني اذا بغت اتسوي شي او تسير مكااان يحااولون ما ايون معاااها ويخلونهااا تعتمد ع نفسهااااا و هي في هالموقف لازم تتحرك و تتكلم بروحهااا لين ما تعودت شوي شوي…
ما اقول انهااا لين الحين ما تخجل بس احسن من قبل بواااايد يعني قبل تستحي 95% والحين 45% يعني في تطور مستمر….
وان شاااءالله يزول عنج الخجل تدريجا و حاااولي تعتمدين ع نفسج أكثر…
ولا تحااااتين… ان شاءالله خير حبيبتي…
والسموحه ع الاطاله…
^_^
استغفر الله واتوب اليك
لا حول ولا قوة الا بالله