اللي عندها افكار كيف تزين الملفات والبومات الصور للعايله او حركات حلوه للتغليف .. يا ريت لو ما عليها تعب اتفيدنا بافكارها الحلوه ..
وشكرا للمرور :22 (8):
اتيبين تور واتغلفين الالبوم فيه
واتحطين عليه ورد نفس اللون
واتريااا باااقي البنات
وواحد من الاوراق تفرميه على شكل قلب ورده دائره مثلث اي شي حلو يعجبك وفوق القلب مثلا بالخرامه سوي فتحتين صغار جمب بعض ودخلي فيهم خيط تزيين واربطيه شريطه وتلزقي الصوره على الورقه الي مو مفرمه في الوسط وتيبي المفرمه وتخليها على الورقه الي لزقتي عليها الصوره ولزقيها وتظهر الصوره في القلب مثلا
واعملي باقي الصور بنفس الالوان بس باشكال متنوعه واخر شي خرمي الاوراق كلها ودخليها بملف حلو
والسموحه حبيبتي
شو رايج لو تخلين البوم صوركم ما شا الله فخم وتقدرين تحطينه مثلا في المكتبة كقطعة فنية اللي يشوفها يقول عنج انج شريتيها من ارقى المحلات
شو رايج تييبين صندوق شرات الصناديق الخاصة بشيلة الصلاة وتثبتين الالبوم فيه وممكن تزينينه بالورود المجففة يطلع شكله رووووووووووووووووووووووووعة وحركة فنية حلوة
ان شا الله تعجبج الفكرة وبالتوفيق واذا زينتي الالبوم بالطريقة اللي تعجبج اتمنى تحطين شكله علشان نشوف ذوقج الحلو
@اختكم في الله @