قطع القطن والحرير والشيفون العين ودبي

مرحبا خواتي..
الأسبوع الياي بشل أختي الامارات ان شاء الله تتجهز لعرسها.. أبي أعرف وين بلقى قطع الكنادير الحلوة في العين ودبي مع وصف تلمكان..
أكثر شي أدل في الشارقة..فحبينا نغير..
ممكن تساعدوني بوصف الأماكن..
شاكرة لكن تعاونكن..

في العين :: عندج محل البستان وين المخزن العماني
سوق الزعفرانه بتلاقين سيد كامل قطع … كل وحده أحلى عن الثانيه بس كاسريهم
عندج محلات عند سوق الحظ

وحياج الله

والله أحلى القطع أنا شفتها في القرية العالمية
شوفي في الركن الخليجي الكويتي والاماراتي والاسعار فيه زينة

هلا اختي مبروكين انا انصحج تاخذين من الشارجه لان الاسعار حلوه وتقدرين تكاسرينهم

احلي القطع بالنسبالي موجوده في سوق السور وشي بعد محلات في سوق الشارقه القديم وسوق الروله شي الجلابيات الهندية والقطع الهنديه

اما دبي فسوق الكويتي والمحلات اللي حذاله اللي عدال سوق نايف وشي فالمنال قطع المناسبات وفي البستان والغرير للمناسبات

واعتقد بتحصلين قطع حلوه وجلابيات في سوق عكاظ اللي في مرشد

حبيبتي شوفي الانستغرام اكاونت
@flo0ona_alain

صراحه عن نفسي فالعين لا تسيرين المحلات اللي فالمولات غاااايه ومايتكاسرون ونففففس القطعه بتلقينها برا ب ٣٠ درهم

دامها عروس احسلها تاخذ قطع اكثر بسعر ارخص ولا انها تاخذ جمن قطعه وغاليات
انا اخذ من المحلات اللي عدال سوق الحظ ف شارع خليفه وارخص واحد فيهن اللي تلقينه صوب ذا بودي شوب .. وقطعه حلوة

ومرة حرمة خويه شافت عليه قطعه جاكارد وعيبتها سارت تبا تاخذها مالقت نفس اللون وبالصدفه اقول سرت محل الذهب اللي فالمركزي وبالمرة خطفت ع المحلات تبا تاخذ يونيفورم للشغاله ولقت نفففففففس القطعه وخذتها ب ٤٠ وانا ماخذتنها ب ١٢٠ والله ..

بتحصلين في قرية قطعهم وايد حلو
قرية العالمية ( قرية الامارات )
قطعهم حلووة واسعارهم بعد وبتحصلين قطع مع الشيل ( طقم )