بنات بليز ابغي فزعتكن ..
ابا اعرف شو نسوي بالضبط بعد مايوافقون اهل البنت ..
شو نودي وشو نيب وكم نعطيها مهر والزهبة كيف تكون ،، والعرس على منو يكون ،، بالتفصيل الله يخليكم بالنسبة لشخص دخله متوسط ،،
ولكن مني دعوه صادقه
من باب الذوق أنكم تودون للبنت هديه قيمه مثل ساعة او عقد من داماس مع باقة ورد
واذا حالتكم المادية ماتسمح ممكن تاخذون عطر مع باقة ورد
وبالنسبة لـ ام العروس تاخذون لها ذهب من باب الذوق طبعا
وبالنسبة للمهر المفروض تتفقون مع ابو العروس .. لان ابو العروس هو المفروض اللي يحدد
وبالنسبة للعـرس أكيــــد يكون ع الريال ( اهل المعرس )
السموحه يالغاليه ها اللي اعرفه
مبرووكين وعسى الله يتمم على خيـر
والملجة تدفعون المهر اللى بينكتب في العقد يعني 20 الف او اكثر وطبعا تودون للعروس الشبكة والساعة وهدية من عندكم
وتودون هدية لام العروس " كاش مثلا 5000" أو ساعة أو طقم ذهب على حسب امكانياتكم
وعقب الملجة تحددون يوم تدفعون فيه فلوس الزهبة وتودون من عندكم هدايا رقع ملابس و شيل و عبي ومغربيات و كذا شى على ذوقكم عطور او دخون …..
وفيه شى من العرب قبل العرس يطرشون راشن كامل لبيت العروس .. " يواني عيش و سكر وشاي و قهوة و هالسوالف مع الصحون و دلل و فنايين " لان هل العروس في هالفترة بيستقبلون ضيوف وايد … حتى لو هل العروس هب ف حايه هالسوالف بس من الكرم يطرشون …
ان شاء الله اكون فدتج …
وشى من العرب يدفعون المهر وفلوس الزهبة ف نفس اليوم …
المشاركة الأصلية كتبت بواسطة Classic_ad 
والملجة تدفعون المهر اللى بينكتب في العقد يعني 20 الف او اكثر وطبعا تودون للعروس الشبكة والساعة وهدية من عندكم
وتودون هدية لام العروس " كاش مثلا 5000" أو ساعة أو طقم ذهب على حسب امكانياتكم
وعقب الملجة تحددون يوم تدفعون فيه فلوس الزهبة وتودون من عندكم هدايا رقع ملابس و شيل و عبي ومغربيات و كذا شى على ذوقكم عطور او دخون …..
وفيه شى من العرب قبل العرس يطرشون راشن كامل لبيت العروس .. " يواني عيش و سكر وشاي و قهوة و هالسوالف مع الصحون و دلل و فنايين " لان هل العروس في هالفترة بيستقبلون ضيوف وايد … حتى لو هل العروس هب ف حايه هالسوالف بس من الكرم يطرشون …
ان شاء الله اكون فدتج …
وشى من العرب يدفعون المهر وفلوس الزهبة ف نفس اليوم …
احترم ردج الحلو 
بس احس ماله داعي كله هذا .. يمكن عاداتكم جيه بس انا اول مره اعرف حد جيه يسوي
اللي متعارف عليه اغلب الناس بعد ما تتفقون على المهر .. سلموهم المهر مع هديه حلوه للعروس مب شرط تكون مكلفه .. مجموعه عطور .. او صينيه حلاوه .. او باقه ورد اي شي يناسبكم وبس
ماله داعي المجاملات الزايده لأن احين كله جيه يسلمون المهر وهديه حلوه وخلاص