بنوتات بغيت اسألكم ..
ملجتي تاريخ 21 … واليوم تاريخ 12 يعني باجي اسبوع عن الملجه
وتاريخ 18 و19 و20 انا بكون فالجامعه عندي امتحانات فاينل فالعين بس
الحمدالله اقدر اطلع عشان الحنا بأي يوم .. خلال هالايام بتحنى ان شاء الله
الحين متى ابدي هالامور
من تاريخ 13 و14 و15 و16 و17 شو اسوي فهالايام
1) تشقير
2) تقشير
3) حمام مغربي
4) شل بحلاوه
5) فيشل
متى أبدي بكل واحد بالترتيييب
اللي يقولي لاتحفي اول شي حمام مغربي عقب تشقير جسم كامل وعقب حفي بحلاوه
واللي يقولي شلي وعقب سوي حمام مغربي انااااااااااااا احتررررررررررررررت
واللي يقولي شقري بس مناطق واللي يقولي شقري جسمج كاااااااااااااااااامل
ابي نصايحكن يا معرسات ومالجات
واتمنى منكم ترتبووولي جدول العناية
ويزاكم الله خير
للعلم انه عرسي عقب الملجه بشهر واسبوع يعني ماشي وقت
لتتحنين قبل لأنه بيطير الحنا بالحمام المغربي و الشقير
اول شي سوي حمام مغربي وعقب سوي اي شي ثاني
و سوي فيشل و مساج و ريلاكس
عقبه بيوم او يومين او ب 3 ايام ع راحتج سوي حلاوة ع راحتج ايدج و ريولج و اندر ارم
و ما ادري انتي تحفين ويهج ولا تشقرين سوي اللي يريحج
وما يحتاي تشقرين جسمج كامل الا هي ملجة مب عرس
و قبل الملجة بيومين تحني
1- لاتشقرين جسمج كامل ! شقري ويهج وايدج وصدرج بس . .
2- تحنّـــي
3- سوي فيشل تنظيف وترطيب بس لاتخلينهم يخبقولج ويهج يعني بالتنظيف العميق
لاتقشريـــن احين ماله داعي لانه ممكن ويهّج يحمرّ ولاتطلعلج حبوب الخ . .
لاتسوين حمام مغربي واذا سويتي خليه اول يوم
موفقه
ولا تشقرين جسمج كامل ،،
واتوقع لو شقرتي الحنا ما بتصبغ ،،
ها اللي سمعته
الحلاوه سويها قبل الحفله بـ 3 أيام
واليوم اللي عقبه تحني يعني قبل الملجه بيومين
عسب تصبغ عدل ^^
بلبركه حبوبه ،،
ولا تتوترين
إن شاء الله بتطلعين أميره في هليوم
سبحان الله وبحمده ،، سبحان الله العظيم
مرحباااا أختييييه
الله يوفقج في امتحاناتج ويعدي الموضوع ع خير
اممم بالنسبه لي يوم الملجه لأني اكبر خواتي فكل التحضيرات علينا انا وامي
اممممم تشقير الجسم كامل ما انصحج الحين أحسن بعد العرس لانه التشقير يطول الشعر
قبل الملجه باسبوع سوي حمام مغربي وفيشل للوجه بس انتبهي تحفين ويهج لانه ما فيه وقت وبيطلع لج حب
وقبل الملجه بيومين ايام شلي حلاوه + تشقير الوجه + قص الحواجب وليس نتفها + حف الشنب بالخيط او الحديده وحطي على مكان الحف سيده فازلين او فيدسون ما اذكر اسمه هذا اللي يخفف الاحمرار عشان ما يطلع حب انا سويت في صالون وحطوا لي كريم وحطت لي بعد المغربيه كريم من المغرب وايد زين خذت اسمه ع اساس اخليها تشتري لي اياه عقب
المهم اليوم الثالث سوي اول مناكير وبدكير وعقب كم ساعه تحني وتأكدي انه اللي تحنيج تييب حنا من صالون العروسه عشان بعضهن ييبن خلطات حنا من عندهن ويكون فيهن بترول يحرقن الوحده انتبهي
واليوم اللي بعده طبعا بيكون الملجه والله يكتب لج الخير ويوفقج ياااااارب
والسموووحه ع القصوووور
أختــــــــــــج
مملوحه العين