اليوم حبيت افتح تجمع عرايس شهر 2 و 3 >>>> الله يتمم كل شي ع خير ان شاءالله
اهني راح نعرف كل وحده شو راح اتسوي في عرسها ان شاءالله
و كم ميزانيتها ؟
و وين ناويه اتسوي العرس ؟
و عند اي صالون او اي ماكيره ؟
وكيف بتتزهب و وبتشتري الذهب و… الاخ
انا عن نفسي ان شاءالله اخر 3 بيكون عرسي و لين الحينه مو مالجه ولا عطوني بيزات زهبتي
بس من اليوم راح اهتم في نفسي
انا عن نفسي اهم شي عندي اهتم في عمري سرت عند سميحه لطفي عطتني ادويه عقب مانازعتني ليش الحينه يايه مفروض اتين من قبل هع هع >>>> انزين ما عندي بيزات يا بنت الناس هههه
وان شاءالله بسوي ليزر منطقه الحساسه كل جلسه بــ 600 فليبينيه بتعلمني وبتطلع ( عند سميحه لطفي بعد )
و بانسبه لـ جسمي الحمدلله اوك مافيه شي بشل الشعر بالحلاوه وبسوي حمام مغربي كل شهر
وبثــــــــــــــــــــــــــــ
و زهبه بحاول مااشتري الى اشياء الي اباهم صدق لانه سوق ترا مابيشرد
والي يزيد عندي ان شاءالله بحط ع بيزات مهري و بشتريلي ذهب
ومهري 60 الف ماعرف كم بيعطوني و كم بخلونه موأخر
و زهبتي 30 ألف
و حق يوم العرس 15 ألف ( يعني ايجار فستان و ماكيره و حلاوه وصبغ وهاسوالف ) ترا انا اعرف اماكن رخيصه واوووك وان شاءالله بيزيد بعد وبشتريلي ذهب هع <<<< ذبحتينا ويا ذهب مالج هههههه
غير تصوير و ليله الحنا والاخ كله بيكون ع المعرس
ادري ميزانيتي شويه بالنسبه لبنات الي ياخذون 200 او 150 ألف بس حق زهبه , بس الحمدلله ع كل حال
الموهيم :
انا بنــ عيمان ـــت و شهر الياي بدش في 19 ان شاءالله و بوشيـــاب هههه فديته امسات دش في 21 ( العمر كله ان شاءالله )
و اي شي سويت راح اخبركم و ابي تفاعل بعد عشان نستفيد من بعض
وبثــــــــــــ
يلا الله يوفقـــــــــــــكم حبيبتي و بالبرككككه الله يسعدج و يريح باااالج
ويسعدكن دنيا وآخره ياااا رب
سبحان الله وبحمده سبحان الله العظيم
المشاركة الأصلية كتبت بواسطة سراب ازرق 
الله يبارك فيج ^^
واذا مو معرسه عقبالج ان شاءالله واذا معرسه الله يوفقج مع ريلج
^^
المشاركة الأصلية كتبت بواسطة شووقـ
يلا الله يوفقـــــــــــــكم حبيبتي و بالبرككككه الله يسعدج و يريح باااالج
شهر 4 بعد لانه بنات ماشاءالله عليهن عندهن تجمع الصيف يعني من شهر 5 لين فوق
و عندهن تجمع شهر 1
وانا سويت 2 و 3 ونسيت اكتب 4 كيف اقدر اغير عنوان الموضوع ؟؟
افا عليج كم شوق عندنا نحن
^^