تحيدون موضوعي عن فحص الزواج؟ تعالوا بخبركم شو صار

اللي ما قرته تقراه على هالرابـــــــط>>> غصب تباكم تقرونه لوووول

https://forum.uaewomen.net/showthread.php?t=401443

انزيييييييييييييييين…

تراني سرت وسويت الفحص يوم الأحـــــــــــــد<<< انزين شو يعني؟!

لوووووول لا بس حبيت اخبركن التفاصيـــــــل عسب اتعيشن الجـــــــــــــو صح ^^ لوووول

المهم

نشيت يوم الأحــد الصبح وانا ميته >>> كيف نشيتي وانتي ميته خرااااطه

لا مب جي!

بس جي كنت واااايد tention وبطني يعورني وأفكـــر

سرت خذت شور وعقب بدلت

لبست عباه سمبل مسكره فيها كرستالات ملونه ع الاكمام جي لاين واحد وع طرف الشيله وعالرقبه ربطة ريبونه .. كان شكلي كيوت

اتجحلت وحطيت ماسكارا وبلاش وقلوس لونه Peach على P!nk

واتدخنت وجان اسمع دق ع الباب

يلا فطووووم خلصي اتأخرنا >>> هذا اخويه

وجان خطيبي يتصل: هااا وينكم؟ لووووول

هو حليله كان مداوم ويبا يترخص اسميه كان متحرقص يضحكني

المهم اتوكلنا وظهرنا واتوجهنا لدبي (عيــادة هور العنز)

وطول الدرب نحن ضحك وسوالف

وصلنا فنفس الوقت… بركنا حذال بعض

وهني بدى بطني يعورني صدق

ما بغيت أنزل من السيـــاره

اسمع اخويه يسلم عليه وداقين سوالف الحبايب وانا داخل مب طايعه انزل

اتغشيت وسميت باسم الله وظهرت >>> حشى عروس

انزين صدق عرووس خخخخخخخخخخخخخخ

المهم

نزلت ومشيت حذال اخويه من جهة اليسار وخطيبي من جهة اليمين

جان يسلم علي: اشحالج فاطمة؟

وانا اقول فخاطري فاطمه هااا؟ شو هالرسميه

لأنه هو متعود يزقرني فطووووووم .. بس اونه مستحي من اخويه كع كع كع

مشينا ودخلنا داخل

أحلى شي خطيبي داش متحمس وف ايده صورة الجواز

الحرمة اللي فالرسبشن سيده علقت اونه: المعاريس ينعرفون من بعيد من صورة الجواز خخخخخخخ

عطونا فورمات عسب انعبيهن

يلسوني ع طاولة موظف كانت فاضيه لوووول ورفعت الغشوة وتميت اعبي واحس فيه حد يراقبني

وعقب ما خلصنا دشينا على موظفه ثانية ودفعنا رسوم 200 درهم

وجان اتقول لهم يسيرون صوب الرياييل وين ما دشينا وانا صوب الحريم!

وهم اتحركوا ويا ويهم يعرفون وين يسيرون وانا الفقيره متردده ماعرف وين صوب الحريم!

جان اسألها: انزين وين قسم الحريم؟ لووووووووووووووول

ضحكوا علي لوووول وجان ادليني القسم

وعقب افترقنا… انا سرت صوب الحريم وهم ساروا صوب الرياييل

وخذوا الوزن والطول والضغط وسدحتني وتمت تتفحص وعقب قالتلي يلا سيري المختبر

وهنيه اخس مرحله اهىء اهىء

دشيت داخل واستقبلني دكتور شيبه حبيبي شكله كيوووت يشبه بابا نويل ولا هالريال مال كنتاكي لوووول

جان ارتاح نفسيا

قاللي الحين بتيج الحرمه وبتسويلج الفحص

يلست ويتني وحده هنديه بعد كانت طيبه

جان اقوللها انا فيني فوبيا من الدم

قالتلي لا تخافين

صدي هاك الصوب ولا تشوفين اهىء اهىء

صديت ورصيت على عيوني عسب ماشوف خخخخخخخخخخخخخ

وانا اسوي هالحركه تتوقعون شو صار؟؟؟

هاهاهاهاها

خطيبي دش عسب يسوونله الفحص وشافني

شكلي غمضته وانا أصلا مادري انه شافني كنت مغمضه بس وصلني مسج

فتحته اول ما خلص الفحص كاتب فيه: حبيبي لا تخافين بليز

لوووول شكلي غمضته

المهم الحين بدى الجد ^^ >>>> عيل كل هذا شو خخخخخخخخخخخ

انا لازم عقب كل فحص ايلس جي مال 5-10 دقايق فنفس المكان عسب ما ادوّخ

بس هالمرة نشيت على طول لأنه في وحده وراي

انا خلصت وظهرت وخطيبي وراي توه مخلص واخويه يدّامي

كنت احس بشي غريب

أمشي شوي شوي واحس الدنيا اتلف

ومب حاسه بعمري

كل ها وانا حليلي امشي وميوده عمري

الين ما وصلنا عند البوابه مارمت

يودت الباب وحسيت خلاص بطيح

وخطيبي وراي يبا يظهر وانا ساده الدرب

المهم هو اتحراني مستحيه

ف ظهر عسب اظهر وراه

وانا تامه مكاني

خلاص احس فقدت توازني

المهم عقب ما مشوا حسوا اني مب وياهم >>> لا والله! تو الناس

صدّوا وشافوني بعدني عند الباب

قالوا شفيج

صدق زاغوا حليلهم

وكل واحد يعرض مساعدته وانا مول احس ماروم ارمس

اخويه مسكني ودخلني داخل ويلسني ع الكرسي

وخطيبي سار اييبلي ماي وزقر النيرسات

حليلهم يوا ركض

مسكوني ودخلوني داخل فالغرفه وهم يقولون شو صارلج؟ حسدناج لوووووول

وسدحوني ع السرير ورفعوا ريولي وتموا يسولفون ع راسي عسب ما أدوّخ زياه

الله والسوالف عاد

اونه يالدلوعه كيف بتعرسين عيل؟ اذا من ابره دوّختي.. العرس اخس >>>> لا والله! الله يبشركن بالخير!

وتموا يسولفون حليلهم والله … وعقب زقروا اخويه ويا عندي ومسك ايدي وظهرنا

وخطيبي كان ورانا

ركبت السياره وسدحت السيت وشوي والا خطيبي متصل

حليله كان زاااااايغ… مسكين

سويتله فلم هندي لوووووول

وعقب استويت اوكي… اخويه يابلي ريوق واتريقنا وردينا البيت

وهاي قصتي!

صج كان يوم ما ينسى!

والله يوم رديت البيت طاحوا فيني تعليقات اونه زيغتي الريال وميتين ضحك>>> مسكينه انا والله

وعقب ام خطيبي اتصلت حليلها عسب تتطمن علي

وعقب اونه ليش اتغشيتي عن ولدي ههههههههههههههههههههههه

ساير يتشكالها >>> لأني انا أصلا مب من النوع اللي يتغشى

بس هالمرة اتغشيت لأني كنت مستحيه اجابله وبعدين هو شايفني فالنظرة الشرعيه وما قصر بعد فالمختبر شافني لووووول… شرير

بس عادي ام خطيبي وااايد سوالف احسها ربيعتي فديتها

وبث ^^

.
.

شو رايكــــــــــــن فالفيلم الهندي؟

يلا كل وحده اتخبرنا كيف كان الفحص مالها؟ وشو سوت؟ وكل شي ^^

أتريااااااكن