شحالكن بنات وحريّم ,, وشخباركن
انا عندي مشكلهـ ماعرف كيف احلها والله .,,,,
المشكلهـ الله يسلمكن ان عندي وحده تعرفت عليها
معرفتي بها ماتتعدى الاشهر ,,,وهي وياي ف الدوام
شفتها وحده محترمه وطيبه قلبها ابيض,,, بس مشكلتها مب متحجبه
وهي من الجنسيه الخليجيه ,,,, يعني مب اماراتيه ,,,
مبـ هاي مشكلتي ,,,,
بنات هالبنيه الخليجيه دخلتها بيتنا والوالده حبتها وحتى خواتي لانها طيبه وتنحب
وصرنا نظهر ويا بعض نروح ونرد والوالده تخليني لانها واثقه ف البنيه وتعرفها ..
مع الايام عرفت انها تحب واحد …
وسار خطبها من هلها ع حسب رمستها( هي تعيش اهني وهلها ف بلدهم )
كانت دوم تخبرني عنه ,,, اقول دام خطبها وهلها يعرفون خلاص الامور طيبه
وانا بطبعي ماحب اتدخل ف شي مايخصني فيه ,,,
وصارت تثق فيني وتقولي كل اللي ف خاطرها بحكم ان ماعندها ربيعات اهني
لانها شوي مغروره تشوف عمرها احلى وحده ,, وتحب حد يحسسها بهالشي ,,
بنااااااااااااااااااااااات تعبت من كثر ماترمسني عن ها اللي تحبه
ها يقص عليها والله ,, من رمستها والاشيا اللي تقولها قلبي يعورني عليها
والمشكله الاشيا اللي تقولها ماتنقال ,,,,,
واحس علاقتهم غير شرعيه ( يعني في شي من بينهم )
تقولي اول ماشوفهـ احضنه ابوسه مادري شنو ,,, هالشي تقوله جنه سلم عليها !!!
مرهـ قالتلي انه سبحها لانها كانت تعبانه !!!!!!!
ومره قالتلي ان كان بيصير شي من بينهم بس ربج ستر !!!!
وفي وايد اشيا ماقدر اكتبها …
ابي ابتعد منها بس مب قادره ,, حاولت اتجنبها..
بس هي وياي ف الدوام يعني اشوفها دوووم
تتصل ع الموبايل والمكتب ….
وساعات تتصل علي ايام الويك اند تبيني اظهر وياها اقولها مابي اظهر
تتصل على امايه واتييني امايه تقولي اظهري ويا البنيه حرام عليج !!!!
ماقدر افضح البنيه عند امايه ونفس الوقت حراام اخليها جيه تمشي ف الدرب الغلط ..
ياما نصحتها وخليها تصيح اقولها الشي اللي تسوينه غلط ,,
ها مايحبج ولا يباج يستغلج .. لان حرام ماعندها احد ينصحها ..
تمسع رمستيه يومين وعقبـ تردله !!
وفوق ها قامت تتعرف ع شباب غيره ,,,
واللهـ يعلم شو تسوي !!
بنات ماقدر افج عنها لانها لاصقه فيني ,,
اتجنب مكالماتها واحاول اني ماظهر وياها
بس بعدها ,,
اتيي البيتـ عندي ساعات ,,,
وامايه مستانسه عليها وتقولي خاطريهـ اخطبها حق اخوج !
بس انا شليت هالفكره من مخها ,,,,
عطوني حل اخليها تفج عني ,, تمشي ف دربها وانا امشي فدربي ,,,,
ماقدر ارابع بناتـ جيهـ ( اللهم استر علينا دنيا وآخرهـ )
والله اني ماكنت اعرفها انها جيه ف البدايه ولا جان مارابعتها ولا خليتها تتقرب مني
ساعدوني دخليكن 
بعد هي ماتدري انج ماتبين ترابعينها بس في الويكند سيري عند حد من اهلج بنات عمج او حد منهم وابتعدي وتمي فتره جي وبتنساج شوي شوي
بس بعد حرام تخلينها انا اقول في حل ثاني تمي وياها اكثر وبعد انصحيها لين تبتعد عنه وتكره تمي وراااها لين تتخلص منه بعد هو يمكن قاص عليها ويستلغها عسب اشياء ثانيه
والله يكون في عونها وفي عونج يارب
و الله يهدي الشباب
شباب بلادي
ما هدوا بنت من أي جنسيه في حالها؟؟!!
وقولي لها دامج بها الدرب ما بمشي وياج لين ما تهدينه قوليها يا الغلا
الا اسمعه لو طاحت ما ترنفعمادري شقولج احسس احسسن لج ………………….
صارحييها وقولييلها اذا رديتيله لاانا ربيعتج ولااعرفج
واذا زعلت واستوى تتشش بسيط يت من الله خلي روحج
جدييه وعامليها رسمي وان شاءالله تبعد عنج ويحفظنا
ويحفظج منهالاشكاااااال ويسسستر عليينا دنيا واخره
وان شاء الله يفييدونج البنات ^ــــــــــــــــــــــــ^
تمي انصحيها وحني عليها عشان تبتعد عنهم ارشديها للدرب الصح محد عندها هنيه وانتي ربيعتها لا تتركيها لان احسها زينه بس الشباب قاصين عليها
الله يستر عليها ويهديها