اول شي صلو على النبي و اذكروا الله
—————-
بغيت اطرح مشكلة تواجهني و تواجه العديد من البنات في سني و في مجتمعنا
و الصراحة انا ما كانت في بالي بس عقب نقاش في الدوام بديت افكر في الموضوع
انا عمري 26 سنة جامعية و مواطنة بس امي من جنسية عربية
المشكلة انا ابوي و امي منفصلين عن بعض من فترة طويلة و انا عايشة ويا امي و اخواني و كلنا نداوم و نصرف على البيت و لله الحمد امورنا تمام
انا البنت الوحيدة بين اخواني و اخواني متزوجين و الله مهنيهم ويا حرمهم و عيالهم انشاء الله دوم يا رب
مشكلتي ان امي انسانة منطوية ما تعرف حد و ما تتطلع من البيت و بالتالي انا بعد علاقاتي ما تتعدى غير صديقتين من ايام الجامعة و زميلاتي في الدوام
و انا بنت ادور الستر و ابا الحلال و اكرة العلاقات المشبوهه و ما آمن بشي اسمة تعارف و هل خرابيط
بس كيف؟ كيف اقدر اخلي الناس تشوفني و تعرف اني انا بنت في سن زواج و تبى الستر؟
ما اقدر اسير عند اخواني و حريمهم اقولهم زوجوني؟
و لا اقدر اكلم ربيعاتي بهذا الموضوع لانه صراحة محرج
و اهل ابوي ما عرف عنهم شي للأسف
يعني بنية في عمري شو تسوي؟
بتقولولي خطابة
صراحة سمعت وايد سوالف عن خطابات تشيب شعر الراس و خصوصاً عن الخطابات الي تيبلج ريل تكتشفبن انه معرس و عندة عيال بعد
و ما اعرف شو اقول انا مؤمنه ان هذي السالفة نصيب و قسمة من عند الله
بس بعد نقاش مع زميلاتي في الدوام خطر في بالي هذا السؤال
البنت الملتزمة إلى مب مستعدة للخرابيط و تبى الستر شو تسوي؟
و سامحوني
سلام عليكم
ومابعد الضيج الا الفرج ومب نهااايه العالم اذاا الوحده ماعرســت !!!!
انا بقولج شو تسوى تيلس يلسه هاديه ويا عمرها وتصلى ركعتين ترفع يدها لرب العالمين وتقول سبحان الله والحمدلله والله اكبر ولا حول ولا قوة الابالله وبعدها تصلى على النبي وايد وترمس رب العالمين بالى في خاطرها وفي همها وبعدها تستغفر بالعدد الى تردد الاشياء الى تبيها وصدقينى عن تجربه ربى بيفرج عليج بشى حلو من دون ما تدرين .
والسموحه
وكل شي نصيب في هذة الدنيا
المشاركة الأصلية كتبت بواسطة كلى دلال 
انا بقولج شو تسوى تيلس يلسه هاديه ويا عمرها وتصلى ركعتين ترفع يدها لرب العالمين وتقول سبحان الله والحمدلله والله اكبر ولا حول ولا قوة الابالله وبعدها تصلى على النبي وايد وترمس رب العالمين بالى في خاطرها وفي همها وبعدها تستغفر بالعدد الى تردد الاشياء الى تبيها وصدقينى عن تجربه ربى بيفرج عليج بشى حلو من دون ما تدرين .
من جم يوم عرست وحده عمرها 38 نصيبها يا متأخر..عادي حبيبتي
وانا اكبر عنج وما احاتي..محد ياخذ الا نصيبه بالدنيا
والسموحه