أعترف إني تغيرت ويمكن يتهايالي أنه تغير

بسم الله الرحمن الرحيم

السلام عليكم خواتي

قصتي إني تغيرت وااايد للأسوأ …. أحس بعمري أول ما عرست كنت على نياتي وايد … ولكني ألحين وايد قسيت … لا تفهموني غلط أنا عمري والله شاهد على كلامي ما أذيت حد من أاهل زوجي … لكني في نقسي أشعر إني تغيرت ناحية زوجي … قمت أتضارب وياه على أتفه الأسباب … لكني أحبه … بس المشاكل كثيرة … ما عرف هناك وايد تفاصيل أتمنى من ذوي الخبرة يتواصلون وياي على الخاص لأني تعبانه من نفسي …..

الله يعينج يمكن نفس الشي انا امر فيه الحين عليج بالاستغفار وقيام الليل

عليج بالاستغفار

السلام عليكم ورحمة الله وبركاته

اختى من راى انج تتواصلين مع المشرفه ام حمد احس اراءها عقلانيه وان شاء الله تفيدج يارب والله يسهل عليكم وعندى بعد وحده واعضه ربيعتى تمدحها لانه ريحتها في مشكله معينه على ما اضن اذا تبين الرقم راسلينى على الخاص .

والسموحه

نصيحه لا تعصبين
حتى لو قالج شي يعصب لا تعصبين
وشوي بيتغير

اختي لو انتي بدايه زواج لا اتخلين الاشياء التافه اتخرب عليج او تاثر عليج حافظي على بيتج كثر ما تقدرين لا تتركين فرصه لي اي احد يسبب مشاكل او اي شي بينج وبين زوجج وربي يوفقج في حياتج وايسر امورج
1 . عليج بالاستغفار
2. قراه سوره البقره يوميا
3. حاولي اتقومين لليل واتصلين