مب عارفه في البدايه كيف ابدأ …. بس بحاول .
انا يوم كنت ادرس في المدرسه .. على وقت استلام النتايج والشهادات .. لاحظت اني يوم ألبس الوان فاتحه .. مثل البيج والفاتحه يعني ناجحه … اما لو البس الوان غامجه .. اخضر ولا ازرق…الخ من
الألوان الغامجه لاحظت اني ماانجح دور ثاني .. بس عاد مايب دور ثاني إلا مره بس … ومن هذاك اليوم … حطيت في بالي إني مابلبس ألوان غامجه يوم بستلم الشهاده .. عسب انجح ..وقمت اسويها كل مره ..
وبعد مثلا ساعات لما البس لبس معين .. احس انه هاللبس في كل مره البسه تستويلي مشكله
ومثلا لو مكياج معين بسم الله على الجميع وبعيد الشر .. ربيعتي قالت لي أنها ماتتوفق ووتتطلق
يعني البارحه .. سرت اشوف ودور كوش لعرسي .. فأنا حابه اللون التركوازي او الأزرق فااتح ..
مع الأبيض ..
يعني إذا اتمكيجت عالأقل المكياج بيدخل فيه اللون الأزرق ..؟
ف ربيعتي قالت لي اللون الأزرق مب زين .. بمعنى انه منحوس ( تقصد إذا اخترتي هاللون الكوشه والمسكه والمكياج .. بسم الله علي تقصد بتطلقين .. واتقول انها لاحظت هالشي ..ويابت لي امثال من البنات إللي سوو هاللون اتطلقوا )
فأنتو شو رايكم هل حسيتوا هالشي صدق ولا لا
مع انه خاطري في الكوشه باللون التركوازي والأبيض .. لاني أحس مليت من البنفسجي والأحمر والذهبي إللي دايما انشوفه في الأعراس .. بس خوفتني .. وخلتني اتراجع …
ماعرف انتو شو رايكم ….. مع انه المفروض الواحد مايصدق هالخرافات .. وكل شي قسمه ونصيب بس هل الألوان اتأثر على الإنسان …..؟
اختي هالسوآلف ما يخصهآ كلهآ خرآبيط & خرآبيط
يعني الألوآن لا اتييب النحآسة ولا غيره
إنتي محطية هالشي في بآلج ومن كثر ما ترددينه
حفظه مخج البآطن فتعود عليه حآولي تغيرين هآلشي
وابدي من نفسج ..
وكلنآ نلبس الألوآن من الفآتح للغآمج وما يخصه
ومبروك عليج حبيبتي العرس ..
ولا اتمين توسوسين وآيد هب زين بتتوترين ..
انا مب قصدي دايما ماالبس ….. بالعكس انا البس جميع الألوان , إلأ مثلا مثل ما قلت لج .. وقت استلام الشهاده قبل …. والحين يا دور العرس …؟ انا قصدي اللون الأزرق في العرس حاليا
المشاركة الأصلية كتبت بواسطة زجاجه شفافه 
انا مب قصدي دايما ماالبس ….. بالعكس انا البس جميع الألوان , إلأ مثلا مثل ما قلت لج .. وقت استلام الشهاده قبل …. والحين يا دور العرس …؟ انا قصدي اللون الأزرق في العرس حاليا
هلآ غلآيه .. رجعت للموضوع ..
حبيبتي خآلتي كوشتهآ كآنت بالحرير الأبيض والمخمل الأزرق
وسويت الميكب أسود مع أزرق بتدرجآته والمسكته
ورود روز الأزرق بتدرجآته والأبيض والبيبي بينك
ومر كل شي ع خير واستآنسنآ بالعرس واللون الأزرق عجيب
خآصة لو كنتي عروس وغير الوردي والبنفسجي المعتآد
وموفقة حبيبتي ..
لا تحطين هالشيء في بالج بالمررررررررة
الالوان تأثر بس عالنفسية
وربي يوفقج بعرسج وتطلعين ملكة جمال