شخباركم يالحلوات
بغيت اسال لما الوحدة اتسافر لشهر العسر تقريبا لمدة اسبوع وفي بلاد مطله على البحر يعني الجو رومانسي
وشو الملابس اللي نحتاجها
في الفندق
في الطلعة
والنعل
والادوات الكهربائيه
وكل شي يخطر بالبال
ومع تحديد العدد من الاغراض
لان كل وحدة اتفكر اتسافر شهر العسل لازم اتكون عندها خلفيه للتجهيزات
والسموحة
بس انا اللي اكيد اني افصل عباتين او ثلاث مسكرات .. عشان ارتاح في الحركة ..
وثياب سبوورت .. يعني بناطلين وبدياااات لسهووولة الحركة ..
وقمصااان نوووم وبجاااماااات ..
لكن اني اخذ بدل كشخة .. وجلابيات ماظن .. لانهن مب عمليات في السفررر ..
وباخذ لي جوتي سبوورت وانتي بكرااامة .. وكمن دلاااغ وياااه ..
ونعل مسطحة <<< مستحييييييييييل اخذ كعب عاااااالي
وطبعا السيشوار .. والكواية .. والادوات الصحية .. وعطور .. ومكياج .. وبما انه شهر عسل .. ناوية اخذ من بدي شووب سوالف الشامبوو وصابون الجسم واللوشن …
امممممممم بس ان شالله الخوات اللي سارن شهر العسل يخبرناااا بالاشيا الضرورية اللي راحت عن بالي
وبصراحه
هالسوال خطر ببالي امس انزله بس مافضيت 
شنطة شهر العسل
1. كريم مرطب (كريم النهار و كريم الليل)
2. رغوه لإزالة اوساخ والمكياج
3. كريم أساس مع البودره
4. مرطب الشفايف
5. كريمات للجسم (كريم الجسم _ لوشن الجسم _ شور جل _ مقشر الجسم)
6. شامبو
7. فرشاة والمعجون
8. عطرين او ثلاث
9. قمصان النوم (طويل _ قصير _ أطقم الملابس الداخليه _ )
10. بجامات
11.شباشب
12. تنانير وقمصان
13. بناطلين وقمصان
14. نعول سطاحي
15. شيل والعبايا ( فصلي عبايتين او ثلاث ساده مسكره)…
16. اكسسوارات الشعر (شباصات)
17. فوط والارواب
18. فوط صحيه (كوتكس _ فوط كيري فري)
19. شنطة المكياج الصغيره ( الارواج _ جلوسات_ الكحل _ا لماسكرا_ بلاشر _ اي شادو)
20. ماكينة حلاقه مع شفره والجل
21. غسول المنطقه الحساسه
22. دهن العود والمسك ( مب ضروري اذا تبين بس)
23. بندول _ بروفين
24. مناديل معطره ومرطبه لشنطه
25. شنطة اليد
26. لبان
27. عطر الفراش
28. صابونه
29. مشط للشعر
30. جلابيتين
31. جراجه شاحن البطاريه
32. سجادة الصلاة مع (شيلة الصلاة)
33. الكاميرا
34. الموبايل
35. الذهب لا تودين وايد بس خذي طقم واحد يعني ( حلق + سلسله صغيره + خاتمين او ثلاث _ سويره صغيره)..
36. ساعة اليد وحده او الاثنين فقط…
37. نظارة الشمسيه ( مب ضروري بس اذا تبين فقط)…
أتمنى افدتكم……….
بس في أشياء، ؛بيت أظيفها//
38- واقي الشمس.
39 – إذا رايحه فنادق مب أكيده من جودتها، خذي وياج طقم شراشف تفرشينه وبعد تلبيس مخدات حق السرير,،
40- و بعد مناديل ديتول، حق تمسحين بها يدج عن الجراثيم و الأوصاخ، (( واحتياط حق تمسحين ب المرحااااض فغرفه الفندق))..
النظارة الشمسية مب اختياري،، أنا برايي لازم تاخذينها معاج
أنا ما شليتها وندمت عدل واشتريت من هناك،، لان الطلعات والرحلات كلها اتكون فترة الصبح لين العصر،،،
وانا لاني كنت رايحة ماليزيا طبعا حرررر والشمس تحرق وحتى اذا دوله باردة بعد تحتاجينها،، انا لما رحت استراليا وهي معروفة انها باردة بعد وقت الظهر احتجت النظارة،، وأصلا حبيبتي شليها للكشخة،، بتحلييج مع لبسج..
وانا اشوف تنانير وقمصان مووول مالها داعي،، بتصعب الحركة،، خذي كله بنطلونات وبديهات للطلعة
لازم لازم اتشلين كير فري وياج،،لانج عروس يديدة ويتحتاجينه وايد والا بتلوع جبدج وبتوسخين كل ملابسج الداخية من الافرازات،( انتي فاهمة قصدي)!!!!
وبعد ضروري اتشلين صابون جونسينس الأزرق عسب تغسلين المنطقة الحساسة،، لان العروس اليديدة بسرعة ومن ادنات شي يلتهب عندها تحت،، فأحسن شي هالصابون نظيف ومافي كيماويات وريحته حلوه مالت البيبيات…
أنا عن نفسي شليت معاي مدخن وايد صغير وعود،، تعرفين توني عروس وابا ادخن ملابس النوم وبالمرة الغرفة،،، مب ضروري بس براحتج…
لا اتكثرين المكياج وايد،، أصلا شكلج بيكون متغير ومحلوة فبس البودرة والمسكارا (water proof) وجلوس خفيف بيحليج،، والجحال بعد مب دايما،، يعني على حسب المكان،، اذا كان في ماي موول لا اتجحلين عشان مايسيح واتخرعين ريلج خخخخخ