شحالكم خواتي
^^
عرايسنا بنات العين بغيت اسألكن عن الاشياء اللي سويتوها قبل العرس
الفيشل البدكير المنكير الحنا
وين في اي صالون سويتوا او سمعتوا عنه اوكي او وين ناويين تسوووون
وين احسن صالون تنصحوني اسير له
وبعد متى لازم ابدأ اسوي هالاشياء
لاني ما بتعدل هنيه بتعدل في عروس الخليج والا مورا وما اقدر اسوي عندهم برنامج العروس ما اقدر اضرب خط
اترياكن فديتكم
ممكن تفيدوووناااا؟؟؟؟
بالنسبه لي انا سويت البدكير والمنكير في نايلس اللي بمجمع الامارات الطابق الثاني اول ما ترقين الدري على ايدج اليسار مغطى بزجاج وبعدين انا سويت ايديني وريولي وعدلوهن وما حطيت منكير حطيته صباح العرس عسب ما يخربه شيء …
وانا اقول احسن شيء لترتيب العرس اذا كان عرسج الخميس مثلا الاحد سويي حمام مغربي ( انا سويته بصالون بياض الثلج اللي بعود التوبه فوق الخياط العربي) والاثنين شلي حلاوه وسوي فيشل انا سويته عند صالون سولتير هذا ما اذكر مكانه بس صراحه روع الفلبينيه اللي عندهم مع الماسك والثلاثاء تحني والاربعاء خليه راحه اولا بيصبغ الحناء وبعدين عندج يوم كامل للراحه تقدرين تروحين تسوين مساج لرأسج فيه مركز استثيك اللي عند اشاير مدرسة خولة بنت الازور ع الجانب الثاني من الشارع …
وربي يوفقج ان شاء الله ويا ربي يتمم عليج عرسج وتتهنين ويرزقج بالذريه الصالحه ..
والسموحه
أنا مثلج عروس وبأخبرج شو سويت بالتفصيل ووين حجزت للأشياء كلها
أنا اللحين بادية أستخدم خلطة تبيض الأماكن الحساسه +الأكواع لليدين والريول
وبدين ف تنظيف البشره كل شهر بأسوي 2 لين عرسي آخر 1 عشاان البشرة ماتهلك وقبل العرس نصيحه مني بأسبوع لاتصكين ويهج غير شل بالخيط وبس
بتسإلين وين سويت بدون جدال وصالون بترتاحين له وايد من ناحيه الشكل والمعامله كوكون فوق السنافر ف نفس شارع الذهب وين قم الباديه
وبديت بعد معاهم مراحل للحمام الزيت يسمونها 5 إستبس وهو ف نفس الصالون بس للشعر متخصصين إسمه كوكونز ف نفس المكان "سويت حمام زيت مع ماسكات وعالجت شعري من التساقط ونفعني واللحين مستمرة وياهم "
هذا لين اللحين وحت البداكير والمناكير مالهم حلو بس المتخصصين ف العين اللي ف مجمع الإمارات مثل ماقالت لج ختيه هوى البال
أما عن حمام المغربي لا تسوينه إلا عند المغربيات لأنه شغلهم .. وأرشح لج بياض الثلج ف عود التوبه أو الجمال المغربي اللي ف عود التوبه بعد أنا بأسوي هناك إشتراك وهالإسبوع ببدأ حاولي تبدين الحمام المغربي عشان جسمج يستفيد وماتكضين عمرج وينحرق بالحناء يعني قبل العرس بإسبوع يكون آخر حمام
وشو بعد ف خاطرج أنا حاضرة بأفيدج باللي أسويه وعليج بالماسكات الطبيعيه ف ابيت تنفع وايد تراها للنضارة
أأي إستفسار أنا حاضرة ومابأقولج إلا اللي يرضيج وترتاحين له
تقبلي مروري خويتج الجوري
هذا يعتمد متى تسوين هالاشيا متى عرسج ؟؟
وبصراحه الفيشل والبدكير والمنكير انصحج في مركز اسثتيك
والحنـــا عندج علويه السودانيه حناها رهيب وفظيع ان شاء الله ناويه بتحنا عندها ..
بالنسبه للتعديل .. .. في بوظبي عندج منيره ومنى ^_^
بس ردي علي متى عرسج ؟؟
اعرف حنايه وااااااااااااااااااايد اوكي تخصصها حناء عرايس وعادي اذا تبون جربون حناها قبل العرس والى تبا الصور تقولي
والى تبا رقمها بعد صح هي من بوظبي وكانت تشتغل في صالون معروووف في بوظبي
^_*
ما قصرتن الساع
سكوونه
هوى البال
الجوري
ريم زايد
راعية الدكان
عرسي تاريخ 9-1
يوم الاربعاء
خلونا نتبادل الخبرات الجوري قولولي شو الخلطه اللي تسوينها للأماكن الحساسه والاكواع
اممم الحمام المغربي في الملجه رحت سويت عند حمام الهنا
ودامكم اجمعتوا على بياض الثلج بروح عندهم
البدكير والمنكير بروح نايلس اللي في مجمع الامارات
الفيشل بعدني مادري
امممم
الجوري
متى عرسج يا الغلا ؟؟؟