خطيييييييير مررره الحقووووا

حبوبه عن الهدايه اي شي يخطر في بالج اما عن الكلام كلام حلو علشان يتعلق فيج ويحس انه انتي زوجته مو اي حد فاهمه قصدي واسمحيلي

انزين لو تحددين بعض الكلمات وطريقه الاسلوب او فن في التعامل كيف؟ و مالذي يعجبه والذي لايعجبه؟؟؟

السموحة منج اختي بس بضيف سؤال على اسألتج ………… كيف اتعودين ريلج ييبلج هدايا اذا هو ما يعرف او مب متعود؟؟؟

مرحبا اخت وعيدج مبارك
بالنسبه للكلام عادي قولي كلام حلو يعني مثال زقريه مرات بألفاظ حلوه غير اسمه مثال يعني
اما بالنسبه للهدايا عادي ييبيله مثلا عطور ساعه بزمات كل ريال وذوقه شو يحب لازم تكونين فاهمتنه

على فكره لا تبدين انتي بالكلام الحلو واثقلي عليه
وطيف تبين تعودينه بالهدايا انتي ابدي ييبيله هدايا
على فكره مب الهدايا الي تربط الريال بحرمته لا حبيبتي التعامل الحلو والاسلوب الراقي هو الي يربط الريال بحرمته خاصة فترة الملجه

والله يوفقنا وياج حبيبتي وسمحيلي على القصور وان شاء الله اكون افدج

ومنكم نستفيد

بنـــــات كيف اخلي ريلي يرمسني في الملجه؟ هو بس يتصل فيني مرة او مرتين في اليوم ومايطووول اكثر عن ربع ساعه ويسكر!!! مع اني ابا اسولف وياه واقول له كل الي فقلبي..حتى مرات لما اتصل به استحي اطول وياه واسكر بسرعه ومرات تمر عليه ايام ومايتصل فيني
احنا صار لنا 5شهور مالجين
هو يحبني وانا احبه بس المشكله انه مايتصل وايد
ساعدوني الله يخليكم