المخور القصير مع الصروال .الصورة اللي خبلت البنات ^_^

لاحظت في المول الفضي وااااايد بنات يطلبون حد يوفر لهم هاللبس ومحد يرد عليهم….

انا بعطيكم الحل…

الطريقة هي ان تسيرون اي محل يسوي تطريز مخورات وثيبان….عطيه القماش اللي تبينه…وخليه يخور لج عادي قوليله ابا صروال وكندورة بس فهميه ان تبينه ثوب وااااسع مب جلابية…..علشان يقولج كم متر قماش يحتاج…

بعد ما خلص لج التطريز…. سيري اي خياط عادي عطيه صورة هالعباية قوليله ابا نفس هالقصة يعني خليه يفصل لج المخورة على قصة هالعباية

وخلي يسويلج اخر الكندورة حزام علشان تربطينه في خصرج بس اربطي الحزام على داخل الجلابية مب من فوق على اساس ما يبين الحزام بعطيكم مثال….

بحاول ارسم لكم الموديل وطريقة الحزام ( بس اهم شي ان الجلابية تكون طويلة علشان لو ربطتيه لخصرج ما يستوي قصير لازم الخياط يقايس لج ان لو ربطتيه على خصرج اللبس لازم يوصل للركب انصحج راويه صورة اللبس عسب يعرف شو تقصدين لين الركب)

لكل اللي سألوني كيف الحزام ينربط انا اقوللكم نفس طريقة الصروال المخور او للتوضيح نفس طريقة الحبل اللي في كيس الولد هذا

وفي طريقة ثانية ان يسويلج لاستيك مطاط على مقاس خصرج على اساس تلبسينة نفس القمصان البف يعني تجسفينه على داخل وتودينه لين خصرج (ملاحظة لازم يعرف ان المطاط لازم يكون على الخصر وطول المخورة تكون لين الركب عاد هو بيفهم شو المقاسات يعني اللاستيك ممكن يوصل لين ريولج تحت على الارض بس انتي ارفعيه لين الخصر علشان تحصلين على نفس الحركة المطلوبة)

واخر شي قوليله انج تبين الصروال ضيق سكيني

وفي طريقة ثانية اللي هي نفس هالحركة قولي للخياط يسويها لج ان يثبته لج تحت التطريز بهالطريقة

وفي طريقة اخيرة ان تسوين ثوب عادي شرات صورة العباية اللي حطيتها فوق بس تطلبين من الخياط يسويلج حزام على الخصر علشان يستوي مخصر وتجمعين الثوب كله وتثبتينه تحت الحزام من داخل الثوب… ^_^ بس احسها صعبة شوي ومب عملية

وبس اتمنى ان فكرتي عجبتكم لانها سهلة وكلكم محتارين وين بتلاقون الموديل …

ملااااااحظة وايد بنات يراسلوني على اخاص يبون يعرفون هاي عباتي وله لا ووين فصلت اللبس ,,,و و و و و و … الخ
وانا ردي ان هالصور كلها من النت انا ما عندي هالموديل في البيت ولا فصلت مثله وصورة العباية مب عباتي ^_^ يعني كل الصور مب لي يبتهم من النت