حبيباتي بخبركن سالفتي وابغي رايكن بكل صراحه…
يا طويلات العمر انا في سن المراهقه تعرفت على شاب وانا تقريبا كان عمري 17 وهو 26 تقريبا واستمرت علاقتنا فتره طويله 3 سنوات ..وبعدين حسيت انا ماشي فايده من هالعلاقه ولمحت له اني ابغي انهي العلاقه لاني انا خلاص مليت وما اشوف نهايه لعلاقتنا ..كان كله يقول انا ابغيج بالحلال وابغي اخطبج .-.بس كلام طبعا -..على العموم انتهت العلاقه من بينا من فتره طويله ….وتم يطرش مسجات على اساس نرد علاقتنا بس طبعا انا خلاص ودرت هالسوالف وعقلت بما اني الحمدلله كبرت…
المهم من فتره اتصلبي تلفون يقولي خلاص انا ناوي جد اخطبج شو رايج ..طبعا مثل كل مره اقوله انت اصلا موب قد كلامك ولا بتسويها ….قال لا هالمره صدق انا ابغي استقر وما ابغي زوجه غيرج …قلتله زين يالله شد حيلك …
عقب هالكلام على طول اتصلت امه على تلفون على البيت عسب يخطبوني ..الصراحه انصدمت حسيت انه صدق ريال وقد كلمته وانه يحبني …الصراحه استانست وايد…
الحمدلله يونا البيت وخطبوني رسمي من هلي وقلنالهم بنرد عليكم خبر ، طبعا انا رديت اكلمه لانه الصراحه شارني ولو ما يباني جان ما وصل اهله بيتنا …
بقولون وين المشكله …."للاسف حسيت انه من النوع اللي وايد يتاثر بكلام اهله"
بتقولون كيف ؟ عقب هذاك اليوم كل ويوم يقولي والله اهلي قالوا عنج مادري شو …كل يوم اييني بسالفه ….ليش يقولون هالكلام لان كل ما يخطبوله حد يقولهم لا ما ابغي انا وحده في بالي وانا اباها ..، على طول انا في بالهم انا حاط في باله ملكه جمال … عقب هالموقف تغير الريال عليه !!! حسيت انا اهله السبب وصح ظني في محله.." وصار سوء تفاهم بينه وبينهم وقالهم انا ما باخذ الا فلانه ولا بتم اعزب طول عمري…!
…قلتله يا فلان انا الحمدلله بنت ناس وعرب واذا هلك يبونلك ملكه جمال خلاص خلهم يخطبولك اياها …" انا الحمدلله شكلي زين بس موب جميله " يعني الجمال العادي …
قلتله انا الصراحه مدام هلك بياثرون عليك في هالاشياء بسيطه عيل الله يعين باجر …
الصراحه وايد ترددت ….واحس انه ما يصلح يكون ريل شو رايكم؟؟؟؟
ادري غلط انا اكلم شاب في التلفون وايد بنتقدون هالشي بس لا تنسون هالشي من كم سنه …سن المراهقه يعني ماضي وانتهى…
اطلبي بيت بروحج عشان تفتكين من المشاكل .. وبعدين اذا صار نصيب وتزوجتوا .. غيري نظرة اهله فيج بطيب تعاملج معاهم وحسن اخلاقج ..
واقطعي اتصالاتج فيه في هالفترة .. قوليله خلاص انا ما بكلمك الا يوم الملجة ..
وبما أن الريال يمشي ورا كلام أهله ويبى ملكة جمال فبين من البدايه مب قد كلمة أنه يبيج..
ما بايدي شي غير اني ادعي لج فديتج ..
الله يوفقج ويرزقج من فضله ..
ولا تقوولين حب وهالخراابيط الحب ايي بعد الزووااج ~ وبعدين من الحين اشووف انكم مب متفااهمين واهله من صووب يعني مممم مااعرف شو اقوولج الله يعوووضج خــير ~
الله يووفقج ~