السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا…
لن اطيل عليكم…
ونبدأ
تقول صاحبة الرساله
السلام عليــــكم ورحمــة الله وبركــــــــاتهــ …
ما اعرف من وين ابدى اعرض مشكلتي ..لانها مبتديه من زمـــان …من يوم ما تزوج الوالد ع الوالدة …انا بنت عمري اللحين 22 سنهــ ادرس في الجامعهــ …لي اخوان وخوات اكبر عني ..عن نفسي الكل يقول عني اني غير عن الكل …من ناحية الاخلاق ..التصرفات ..العقليهــ …بشوشه مع الناس حولي ..بس من داخلي قلب صغير يتقطع … فيني ضيقهــ ..وصيحهــ …لانه الي في دااخلي احسه عله ع جبدي …
من غير مشاكل ابوي مع امي واخواني وخواتي …معاملته غير لنا عن حرمته الثانيه وعياالهــ …هو عصبي صح …بس انا ما انحط ويااه في مكان واااحد …هو ما يعيبه كلامي …لانه كلامي الصح …دايما اقول الصدق …الحق …بس هو يعتبر كلامي طولت لسااان وقلت ادب …
والله اني حتى اقول له …انه مقصر معنا …لا يسأل …لا يتخبر …مرضت ..مت …حيت …والله ما همه …ياما مرضت ..وياما شفت التعب …ما قال بنتي بوديج المستشفى او فيج شي …
انا اعتبر نفسي يتيمه …ما اشووف غير امي جدامي …امي هيه حبيبتي ..امي ..هيه ابوي ..هيه بالنسبه لي كل شي في هل الكون ..امي عوضتني عن كل ذرة حنان كنت احتاجها من ابوي …اكتب لكم وانا اصيح من الحزن …تخيلو ابوي تبرى منــــــــي …تخيلو ..تخيلو بس ..ابو يركب عيااله السياره ..يبغي يوديهم المحكمه يتبرى من كل واااحد فينا …وليش …اسباب جد تافهــ …( الفلوووووووووووووووووووووووووووووووووووووووووووووو وووووووووووووووووووووووووووووووووووووووووووووس ) وما اقول غير الله يعدم الفلووووس …ابوي يباني اعرس ويفتك مني ..ويوم عاندت ..لاسبابي …وثانيا ما يحق له يجبرني ع الزواج وانا مب موافقه ..بالفعل …قااامت الدنيا فوق راااسي بس لاني رفضت …
واللحين انا ادوااام من اول يوم جااامعه …ولا فلس شفته …ولا حتى سأل محتاجه او لا …تصدقووون …!!!! …البنات يااكلون …وانا اشل عصيري واكلي من البيت اخشه في الشنطه …والحمدلله ع كل حال …
ع البيت يفر 500 و1000 وبس هذا بيسد كل حاجة البيت من اغراض جمعيه ومير البيت ….طبعا منووه يزيد …امي اليتيمه الي ما عندها حد يصرف عليها ..تيود بيزات وتصرف علينا …واختي الي معاشها كله موزع ع البيت واقساط السياره والبترول ..
هذا من غير الضرايب الي تستوي طبعا ويوم نطلب فلووس تقوم الدنيا ..لكن حق حرمته الثانيه موفر لها كل شي ..
قولو لي اللحين شو اسوي ..
ابو وتبرى مني ..
ولو لا ايماني بالله والله جاان سويت اي شي غلط بس عشان يحس ويندم ..
وصلت المواصيل اني اسجل في شغل كل سبت عشان بس اشتغل واصرف ع عمري ..مع اني انسانه من كثر الضغط الي عليه بختفي من الوجود ..
يمكن مشكلتي ما لها حـــــــل ..
لانه الي فيني محفور في القلب ..
كل ما اشوف ويه ابوي …خوف …رعب …ارتبااك …ملامح وحده ..ما اضحك ما اسولف …وكل ما يشوفني ادرس واستخدم الكمبيوتر يحتشر ..مع اني والله ما افتح الكمبيوتر إلا لشغلي وبس …
ما ابغي منكم الا دعوة صدق من كل قلبكم …
تخفف عني …وتفرج عليهـــ …
والي عندها اي حل لا تبخل عليهــ ..
مع اني احس الحل الوحيد ..الصبر ..ثم الصبر ..ثم الصبر …
الله يفرج همج أختي … ويهدي الوالد
والله كسرتي خاطري
ربي يعوضج خير يارب
يعوضج خيييييير
و الله يهدي ابوج ان شاء الله و يرجعلكم و يحنن قلبه عليك