خواتي المتزوجاااااااااااااااااات فقط..
ابغي استشارتكم في هالموضوع..
والله قلبي يعورني واحس عمري ابغي اصيح بس مش رايمه.. كاتمه الي في خاطري وساكته..
احس اني بنفجر..
زوجي الله يهديه البارحه عق عليي رمسه والحين ما اكلمه ولين اليوم ما اقدر احط لقمه في حلجي من الضيق الي فيني..
شو الي صار قبل يومين اتطهرت عسب اصلي.. وعيالي عندي وامي طالعه.. حضرته طلب مني ….. اكيد فهمتو عليي.. فقتله اصبر شوي لاني ما اعرف وين احط عيالي اتريا عليي.. وجان يعصب اونه صرفيهم……؟! وين اوديهم يعني اخليهم في الصاله بروحهم وكل نونو اصغر عن الثاني كيف اخليهم بروحهم يعني..!؟ حاولت افهمه حسيت انه مش مقتنع جان اقوله اصبر لان قريب بياذن وانا ابغي اصلي.. اتنرفز وجان يقولي اتنظفي بعد مره شو يعني ابرودة اعصاب.. قتله لا مش الحينه ابغيه يفهم..
المهم عصب وراح اونه بينام رحتله وراضيته بس لبسني..
المهم يوم يت امي جان اودي عيالي عندها ورحتله اتصدقون ما سوالي سالفه وطنشني.. ما قتله شي سكت عنه.. ويوم الثاني رحتله بروحي جان يقولي عافك الخاطر……!؟ وطنشني..
المهم البارحه كنا نرمس بعض عادي بالتلفون وهو راجع من الجامعه وخبرته بموقف صارلي بالدوام وموضوع ورى موضوع جان يشتط ويعصب بدون سبب….!؟
الموضوع هو ان نحن نجمع مبلغ علشان نبني البيت وقتله البيت بيكون نصه باسمي ونصه باسمه لاني بدفع اكثر عنه ومن حقي وكنت صريحه باني ما ابغي اتعب في بنى البيت وآخر شي يتزوج وحده ثانيه ويلسها في بيتي الي تعبت عليه..
جان يشتط ويقولي انتو الحريم وانتو وانتو……… المهم وياب سالفة اني ما اشبع حاجته ومن حقه يتزوج.. فقتله انا ييتك كم من مره بس انته طنشتني المهم تم يلف ويدوررررررررر وتميت ساكته عنه وهم يحط عليي حط وانا من نوعي ما ارد عليه..
ووصل البيت وهو في السياره يتحرطم وانا ساكته..!! والمفروض كنا نطلع نتعشى.. ومن الصبح ما كنت ماكله شي يوم دش الغرفه قالي ياله لبسي العباءه نروح ناخذ عشى قتله خلاص ما ابغي سديت نفسي.. وتم يتحرطم ويتحرطم وقالي غصبن عنج ولبست العبايه علشان ما يعصب اكثر..
وركبت السياره وتيمت ساكته..
وتم يتحرطم ويلوم وانا بس اسمعه.. وتم يصرخ ويصرخ وجان ارد عليه بلاك انته معصب احترمني شوي ليش اتزاعج.. وتم بعد يلومني ويقولي كلام والله مستغربه منه كانه يطلع موضوع علشان يتضارب..!!
جان ارد عليه سو الي يعجبك وجان تبغي تتزوج الله معاك والي تباه بيصير.. انصدم من ردي ويطلع مواضيع اكثر جذيه يبغي يتضارب..؟!
وبالاخير قالي شو بتاكلين قتله عقب الي قلته شبعت ويت يهدد ويهدد اونه ان ما رديتي بطلقج………….!؟
سكت عنه..
وتم يعيد وقالي بعد ل3 ..؟!
ويوم وصل ل2 قتله انته سو الي تبغيه وشوف انا شوي بسوي.. انصدم من ردي اونه اتهددين قتله مثل اسلوبك بتبعه وتم ساااااااااكت..
المهم لحظه صمت..
وما قلنا اي شي..
ورجعنا البيت وشل اغراضه وطلع..
وما قتله اي شي..
واليوم ما كلمنا بعض..؟!
خبروني هل انا غلطت في شي.. هو مشكلت زوجي انه مش واثق من نفسه ويوم يعصب يفر رمسه.. ووايد جرحني لما تم يصارخ يعيب علي وعلى كل شي.. وخلاص انا مجروحه ما ابغي ارمسه..
كيف اتجرا يهددني وانا الي طول عمري صايره مثل العبده عنده…….؟!
الي ابغي اعرفه هل اني غلطت يوم قتله لا لما بغاني..؟ هل الدين هني معاي.. وكل شوي يقولي انا غصبان عليج؟؟؟؟؟؟؟؟؟؟؟ ليش ما يراعي الظروف.. ما كان بايدي..
ابغي تخبروني هل كنت غلطانه.. اذا هيه بتصل فيه الحين اعتذر..
اترياكم..
ان شاء الله المعرسات يفيدونج
الله يصلح بينكم اختية
ويوفقج يارب
ويسهل عليكم اموركم
بس احاديث الرسول واضحه
رسول الله – صلى الله عليه وسلم – قال: ((إذا دعا الرجل زوجته لحاجته، فَلتَأته وإن كانت على التَّنور))، رواه النسائي والترمذي،
وقال : لو أمرت أحدا أن يسجد لأحد لأمرت المرأة أن تسجد لزوجها
تقول عائشة رضي الله تعالى عنها: [لو تعلم المرأة ما لزوجها عليها من حقٍ لمسحت تراب قدميه]
و بما انج حصرتي الموضوع بالمتزوجات بس … فإن شاء الله يعطونج الحل المناسب …
ربي يوفقج ان شاء الله و يصلح اللي من بينكم …