تعبت وااايد ساعدوني .؟

السلام عليكم مرحبا خواتي الغاليات عندي مشكله تعبتني من غير استغربت منها…..انا من النوع اللي يحب يكون صداقات واحب الصداقات اللي ادوووم اوكي عندي ربع وكلهن عرسن وانا بعد عرسن بس في منا عرس اول وفي حد عرس عقبي بس والله العظيم اني ما تغيرت على وحده فيهن يوم عرست وقبل انا مثل ما انا اتصل واسئل ولا كأنه شيء تغير علي المهم عندي وحده من صديقاتي هذي اعز وحده انا وهي مثل الخوات بس للأسف تغيرت علي من يوم ما عرست ما تسأل ابد ما ادري ليش اتصل فيها ما ترد بعد اسبوعين اترد علي مرضت ما سالت علي بما اني طرشتلها مسج اني مريضه وبعد ما سالت والله يا بنات اني بصيح وانا اقولكم وتذكر هذيك الايام المهم حز بخاطري واايد اكثر شيء يوم ربيت ما اتصلت فيني ابدا بما انه وصلها المسج ولا زارتني يوم ولدي وصل الثلاث شهور طرشتلي مسج انها بتزورني رديت عليها حياج الله وصلت بيتنا ما تمت اكثر من ربع ساعه ما قلت شيء بما اني كنت فرحانه بوجودها واشياء وااااااايد قلبي يعورني ما اقدر اكتب اكثر….يا بنات انا اليوم اكتب موضوعي لاني بصراحه ادور على صداقه ادووووم صح نحن عدناريايل بس مو كل شيء نقدر نقوله حق ريايلنا ابدا في اشياء تكون بين الربع نتكلم فيها حق ربعنا ونرتاح بس ….؟خواتي منو تقبل تكون وياي صديقه وفي وقت الحاجه القاها معاي تعبت خواتي وكل ما اتذكر صديقتي وانه الحينما عندي اي حد من الصداقات اتعب …بما اني والله يا خواتي لين اليوم وباجر اتصل في الكل ….

هلا اختي عادي فديتج اغلبيه البنات من يعرسن يتغيرن وهالشي طبيعي فديتج

وكلنا هنيه خواتج وربيعاتج

لاتضيجين بعمرج الغلا وانا اول وحده مستعده لصداقتج لول

دمتي بكل ود الغلا

هلا الغاليه لا تزعلين ولا تضيجين بنفسج نحن اهني خواتي وانا اريد اكون صديقتج ويا خوات الاخت مضايجه ردو عليها هونو عليها لانه الواحد ما يكتب في المنتدى الا علشان يرتاح ويحس انه حد يسمعه ويرد عايه ردو عليها والله ذكرتني بنفسي…انا اريد اكون صديقتج طرشيلي ايميلج على الخاص….

الله يعينج … بس حبيبتي اشتغلى وفتج و اهتمي بحياتج و صدقيني بتنسين هذي البنت ..

سبحان الله في بنات ما يستاهلن حتى التفكير فيهم … و في بنات نحن ننساهن و ما نتذكرهم أبد ..

بقول لج قاعده دايما تذكريها و ردديها في بالج …(( أنا افكر بالبنت و هاي البنت عايشه حياتها و ما تفتكر فيني … انا تعبانه و أصيح و هي تضحك و مستانسه ))..

فيا حبيبتي هنا بتحصلين ارفيجات قمة في الأخلاق … و أنصحج أشغلي وقتج مع ريلج و اعيالج و أذا حسيتي انج فاضية دشي هني و بتحصلين بنات واربيعات قمـــــــــة ….

انا حاسه فيج ..

ع الاقل انتي متزوجه وربيعاتج كلهن متزوجات وكلكن عايشات نفس الوضع من ناحية المسؤوليه والوضع ..

لكن شو تقولين لي … ربيعتي الي تعرفتها عليها من سنتين وانا وهيه صح بعاد عن بعض بس دايما نرمس والله اعدها مثل اختي ….من بداية هل السنه ما احسها تسأل واايد ..ومن انخطبت وامس ملجتها ..والله طرشت لها مسج مع اني في داخلي حزينه لاني اعرف انه ربيعتي بتخليني ..وبتنشغل في حياتها اليديده والله احاول انسى هل الشعور …واقول لا هيه ما بتتغير عليه لانها ملجت وبتعرس ..بتم مثل قبل …مع انه احس في شي صار بيني وبينها لاني انا بنت وهيه بيكون كل اهتمامها الزواج والعرس وترتيبات العرس وبتنشغل عني …

ياما كانن عندي ربيعاات كلوووز من الخاطر …عرسن وانشغلن بحياتهن …مع انه ماشي فرق بينا في العمر وبعدنا صغار …

والله شو اقول عن نفسي ..
خلاص قمت اكون علاقااات سطحيــة مع الي حولي ..ارمس كل حد واضحك واسولف مع اي بنت وحرمه ما ابين اني متضايقه ..لانه صرت اعرف انه في هل الزمن محد يتم لحد طول العمر ..

موفقه فديتج
ومثل ما قالولج البنات
واضحك للدنيا تضحكلك
لووووووووووووووووووووووووووووول

هذا حال الدنيا فديتج الله يعينا