اليوم قاعدة افكر و انا منقهرة من السالفة
السالفة صارت من 3 سنين يعني ف 2024 م
قبل ما ارمس تراني بدوية احم احم هههههههههههههههههه
المهم السالفة
كانت وحده مواطنة عمرها 21 تحب واحد عمره 31 سنة
المهم البنت عيمية و الريال بدوي
والريال ساكن ف فريجنا
المهم مره صارت ضاربة وانا كنت قاعدة ف حجرتي اذاكر صوب البلاكونة
سمعت صوت ضرابه و صراخ
لبست شيلتي و شفت بنات يتضاربون مع بنات جيرانا اللي هم خوات الريال البدوووي
نزلت طبعا لاني دوم مع خوووات الريال اطلع وياهم مرات
بس ما تدخلت ف الضاربة
السالفة وما فيها
ان الريال كان يبغي يخطب البنت و حددوا الوقت وكان يوم الخميس
االمهم وما ساروا بيت البنت يعني طنشوا البنت وهلها
والسبب: خوات الريال ما يبغون البنت والصارحة انا اعرف السبب لاني عاشرتهم
السبب : لانها عيمية ولانها صغيرة و هم كل وحدة منهم عوده واعمارهم فوق ال 28 سنة
حسيت ان يغارون منها
وتموا يسبون البنت و يلسوا يقولون حق امايه كيف نرضى نزوج اخوي حق وحده عرفته بالتلفون اكيد تعرف مليوون واحد غيره و تقص عليهم وما بقى حد من فريجنا ما عرف عنها
المهم لين ما البنت وصلها الخبر
وتمت تصيح و ربيعتها قالت لها تعالي اركبي السيارة و ركبت معاها
وبعدين لين ما وصلوا فريج الريال قالت لها : انزلي بيتهم وخذي حقج بيتج لانهم خربوا سمعتج
قالت: لا مستحيل خلينا نروح
ربيعتها قالت لها: والله لو ما نزلتي انا بنزل
المهم ربيعتها نزلت ودقت الجرس و سلمت عليهم
وقالت: تذكروا انكم مثل ما خربتوا سمعت البنت بيى لكم يوم
قالوا : نحن خسي نرمس شباب و نحن و نحن
قالت : اختكم العوده تزوجت عن حب و الحين ما ترضوون ع اخوكم يتزوج البنت
حلال عليكم و حرام و عيب ع غيركم
اول شي اسالوا عن البنت بعدين طلعوا عنها اشاعات و خربوا سمعتها
والناس تيمعوا طبعااااا
والبنت شفتها ف السيارة ما نزلت شكلها خايفة و شفتها تصيح
وبعدين كل واحد سب الثاني
وراحوا خوات الريال صوب البنت وشتموها
وقالت لهم : يا رب الله يعاقبكم شرت ما سويتوا فيني
ولما صارت الضاربة سرت عشان اباعد بينهم و خذت رقم البنت بطريقتي الخاصة
وكنت دوم اتصل فيها
ومرت 3 سنين
واتصلت فيني البنت من اسبووووع مع اني نسيتها والله
سلمت علي و استانست لما اتصلت ما ادري كيف ييت ع بالها
قالت لي : انا بيى صوبكم لا عمي ساكن عندكم و حبيت اسلم عليج و يتي ع بالي
وانا قلت لها حياج الله
لما وصلت استانست من كل قلبي
كانت يايه مع ريلها و عندها توووووم بنت و ولد يجنووون
بصراحة اسلوبها يجنن والله كان خاطري اقولها حرام تتزوجين و تعيشين بين هاي العايلة لانج تستاهلين احسن
والحمد الله الله عوضها
وسالتها عن حياتها وطبعا انا ملقووفة ههههههههههههههههه قلت كيف اهل ريلج وياج
قالت لي يموووتون علي و ع عيالي وانا بعد احبهم
حسيت البنت وايد انظلمت لان هذا شرف و كرامة
ومن يوم ما دعت عليهم والله ثم والله
ولا وحده من خوات الريال تزوجوا اعمارهم فوق ال 30 سنة الحين
والمصايب وراهم
واخوووهم طاح مريض من بعد ما تزوجت البنت …
وكل ما اشوف وحده منهم اتضايق والله كيف قلوبهم قاسية …
امسات وحده منهم ترمس امي تقول لها : صكونا عين كلما حد يخطبنا ما يرد
امي ردت عليهم: هذا من كثر ماظلمتوا الناس ….
السالفة بصراحة عورت قلبي وطول اليوم ما رقدت افكر فيها … و امايه دوم تسألني عنها …
بصراحة من الحره اللي فيني كان ودي اوريهم عيالها واقولهم هاي اللي رمستوا عنها
الله رزقها بعايلة احسن منكم بمليووون مره
بس ما اروم اقول ها الكلام لهم مهما كان ..
وانا مستغربة يعني اخوكم بيصك ال 40 سنة لو ما تزوج الحين متى بيتزوج؟
متى بيشوف عياله لما يشييب و يصك ال 60 سنة ؟
بصراحة ما ادري كيف قلووبهم حجاره و أنانيات
والريال كلما اشوفه ينقبض قلبي عليه
حتى امايه لما تشوفه تقول: والله ما يهوون علي كبر و بروحه ف الدنيا
انا اخواني بعدهم ما صكوا ال 24 سنة كل يوم و الثاني احن عليهم تزوجوا و ابغي ارقص و استانس ف عرسكم ما يهمني منو ياخذ كلنا من تراب و بنرد للتراب
اهم شي وحدة يرتاح معاها
وتكون زينه ….
ومن اليوم و ساير حاسبوا ع كل شي تسوووونه ولا تحشون ف حد ولا تغلطووون ع حد
وكل واحد يشوووف عمره محد معصوم من الغلط اعتذروا للي غلطوا ف حقهم بسرعه
والله يغفر لنا جميعــــــــا ان شاء الله و يرزقنا في الدنيا و الاخرة …
والله يرزقني ان شاء الله عن قريب
عافانا الله
اخوكم وحب وحدة ويباها بالحلال
ليييييييش توقفون بطريقه
بدال ماتساندونه
الحمدلله الله وفقها ويا واحد يقدرها
وويا اهل يحبونها ويحترمونها
انا ماعرف لين متى هالتخلف
مشكورة حبيبتي على الموضوع
وزين يوم انها ماخذته
كانت بتتلعوز ويا هله
المشاركة الأصلية كتبت بواسطة أحلام علي 
عافانا الله
اخوكم وحب وحدة ويباها بالحلال
ليييييييش توقفون بطريقه
بدال ماتساندونه
الحمدلله الله وفقها ويا واحد يقدرها
وويا اهل يحبونها ويحترمونها
انا ماعرف لين متى هالتخلف
مشكورة حبيبتي على الموضوع
وزين يوم انها ماخذته
كانت بتتلعوز ويا هله
صدقتي زين انها ما خذته لو بيخربون حياتها
اول مره اشوف ناس شراتهم
الله يغفر لنا جميعا ان شاء الله …
يعني هذا عقاب لهم و كما تدين تدان
والله عوضها خير