وتاليتها و ياااآآآي !!! عندكـن حـل.؟؟

جيف حالكن كلن بحاله..ربكن الا بخيـر..

أنا مادري من وين ابتدي وياكن..بس قبل كل شي ((أنا مب فرحانه بالغلط الي سويته)) .وأعتقد ان اللي اعيشه هذا هو أكبر عقاب.

.(START

بنات أنا عرفت واحد عن طريق النت..وحبيته..حبيته بمعنى كلمة حبيته..مب شرات حب المراهقين..!! يمكن بدايتها حب مراهقه..لكن كبـر الحب..علاقتنا دامت 4 سنوات ونص..بدايتها انعجبت فيه رغم أن كان عندي ع الايميل الف شخص (الله يزيد ويبارك..!!).. الا هو الوحيد الي كان قلبي يفز يوم اشوف تسجيل الدخول…………

أنا ما بخاف اني اقول كلمت وايد شباب ع التلفون..!! انتن ماتعرفني ولا ترومن تحاسبني..لكن أقولكن والله اني أول مره كنت أكلم واحد ع التلفون كان هو.. حتى خفت أدقله من تلفون بيتنا..سرت بيت عمي ودقيتله( لا عيل أمـان).. وكنت أسير كل ويك أند بيت عمي عسب أرمسه ماكنت أروم أروح كل يوم……

حتى أول مره رمسته ماعرفت حالي حال أي وحده ترمس واحد أول مره(هي حليلج بريئه)..حزتها كنت توي مراهقه..

أرمسه للفير ع المسن..(بدااال العباده ..أستغفر الله) وكل يوم ع ها الحال..عقب تجرأت ودقيت من فون بيتنا..(لا زين فرحتيني) عاد من دقيت من فون بيتنا خلااااااااااص…………. قمت كل يوم تقريبا أدق..وتخيلن انا الي أدق كل مره ما كنت أحاتي البيزات.(زين كملي يا غنيه) .الشاهد الله 4 سنوات كم خسرت من البطايق( ع أساس ما تحاتين!!) وماكان يهمنـي..أحيانا كنا نتزاعل زعله قويه..يكون جارحني بالقوو..بس والله ما أروم غصب أردله..

أحيانا كنت أحس بتأنيب الضمير لأني أرمس غيره ع الجات وجيه..(عيل ماحسيتي بتأنيب الضمير يوم رمستيه!!) جنه ريلي مب حبيبي..أحيانا يوم اظهر السوق ما أحب اشوف أو أدقق في ريال غيره (أكمـلت) أحس بتأنيب الضميـر..ومن عقب سنـه من علاقتنا قتـله (أحبـك) وسكرت في ويهه..(أنزين ها شو يخصه!!)وقالي في نفس المكالمه أحبج..

(مره كنت أبا أعرفه اني احبه سمعته تدري اني موت أحبك..تخيلن قالي شكـرا!! احباط ياخي)

ماعلينا بكمل..

عقبها علاقتنا وايد قوت..كنت أوعيه للدوام (ما شاءالله منبـه)..أخبره عن كل شي عدنا في البيت..بس طبعا كل الأهل بأسامي وهميه..حتى أنا كان اسمي وهمي..بعد ماحبيته كان خاطري أقوله اسمي الصدقي بس خفت من ردت فعله اني جذبت عليه كل ها الفتره..هو حتى كان مخبرني باسم غير اسمه لكن عقب قالي اسمه الصدقي..

عقب 3 سنوات من علاقتنا كان عندي ع المسن واحد شخصيته غريبه..يعني لبق زياده عن اللزوم..يخليج غصب تحترمينه وتستحين تتمصخرين وياه لو أنج سولفجيه..سألني مره انتي تحبين حد قتله أيوا أحب واحد من المكان الفلاني..وسالني شو من جبايل ..وقتله (…..)..قتله بس أنصحك ماتحب الا عقب الزواج..وتم هو يقولي بالعكس الحب حلو ومادري شو…

ومره كنت أرمس حبيبي..وقالي أمس كنت أرمسج مارديتي عليه..قتله متى رمستني قالي في الوقت الفلاني..قتله ما أذكر..قالي ولا كنتي ترمسين فلااان (تخيلن طلع هو نفسه الشخص الي خبرتكن عنه وأنا ما أدري)..انا تميت صاخه…. قسم بالله ودرت الكيبوررد ورديت بجسمي ع ورا..وربكن أن اميه تير واير النت ها الحزه لاني كنت يالسه من الصبح عليه..

عقبها قطعت أنا النت فتره خفت صراحه أتواجه وياه..تمينا يمكن جذه 6 شهور..عقبها شفته أون لاين مره..وكان كل مره نحدر مايرمسني يترياني أنا أرمس..حزتها تعبت كنت ولهانه عليه مارمت أيود عمري أكثر عن جذه..سيده سرت وكتبتله "أحبـــك" ………….

فتحلي السالفه وتم يقولي الي يحب ما يخون ..الخ ….. قتله ع الأقل انا لو مسويه فيك ها الحركه أشك انك تقول هي أنا أحب وحده من المكان الفلاني (الي هي أنا) .. لكن أنت ع الأقل عرفت أني صدق أحبـك..

وهو بطبعه ما ينغلب حاصرني بأسلوبه (وأعرف أصلا اني غلطانه) بس والله لو كنت أرمس الف واحد كنت أحبه هوو..( لا وفيه فديتج)
ردت علاقتنا……من عقب ماطلع عيني لين ردينا اتفقنا رغم أنه كل ضرابه ينغزني أو يلمح انه سامح وا وا وا…..

وبعد ها الأربع سنوات ونص..أنخطبـــــــــــت…..والريال ماعليه رمسه..

أنا أحبه وخاطري أكون له و بس..لكن مهما كان مافي بنت بترخص نفسها لها الدرجه وتقول لحبيبها تعال أخطبني..(رغم اني اقولها جدامكن الي ترمس واحد اساسا مرخصه بنفسها) ..لكن يمكن في ظروف تجبرج أو تتيح لج فرصه أنج تسوين الي تبينه..مثلا انتي عمرج صغير وعندج نت ومافي رقابه بذمتكن ما بيكون عندكن فضول………..أنا كل فضولي كان (الشات)..وياريتني ماحدرته ولاعرفته..وربي يا بنات اني لين يومكن يوم حد يسألني شو أكثر شي ندمتي عليه أقولهن اني حدرت النت بكبره……

رغم ان الي يبا الصلاه ما تفوته..يعني الي بتستخدمه صح ما بتعطي نفسها فرصه تندم..لكن مثل ما قلتلكن الي عندها حريه ومافي ررقابه..وأساسا في سن المراهقه………………………………على الدنيا السلام..وأحمد ربي اني اكتفيت بفضول (الشات) وبـس..!!

طرشتله مسـج لاني ماقدرت أرمسه ماروم..والله وانا اطرش المسج ماسكه الفون ومب عارفه كيف ابتدي..وأحس عصره فقلبي والدموع تنزل بروحها..(لا والله !!!)

طرشتله يا فلان (وعشان يتأكد حلفتله) يعلني ما أشم ريحة الجنه أنا انخطبت وملجتي جررررريب..آخر شي كتبتله عقبالك حبيبي..( يمكن تحسن شوها الفلم الهندي أوشي من ها القبيل لكن الي حبت بتحس..

رد عليه (مبروك) ..بس ها الكلمه دقيتله مارد..خليت ربيعتي تتصلبه انا مارمت أرمس..والله يا ان صوته ما سمعته جذه قبل..تمت تقوله ترا فلانه ماحبت ولا بتحب حد كثرك..بس هذي سنة الحياه وهي تبا عيال وتبا تشوف دنيتها..قالها أنا كنت ناوي أخطبها بس لو لا (وماخليته يكمل قلت حق ربيعتي قوليله لولا موقف المسن يوم رمسته وما أعرف انه هو)..قالها ايوا هذا هو الموقف…(والله يا ان ربيعتي ترمس وانا اصيح صياح مب رايمه أوقف..قالها قبل لا يسكر من حقها وأنا حبيتها وهي أدرا..لكن خل أي حد يحط نفسه مكاني..(بيني وبينكن من حقه ليتني ع الاقل أخلصت لها الحب)..عقبها قالها قوليلها لو انها كانت في دايره انا بكون وياها..متى ما احتايتني انا موجود………..

وأخيرااااااااااااا……….

مشكلتي هي من عقب ها التقرير الي كتبته..

والله يا بنات أنا الحين متزوجه ومب قادره أنساه..والله أبد ماااااروم أنساه..كل ما ايي عبالي اهز راسي (معلايه ماشاءالله) ..والله وافكر في ريلي..وايد اشياء تذكرني به..

شسوي..!! أنا ريلي فديته ماعليه رمسه ويحبني وايد..وأنا أحس ما احبه كثر ما اني متعلقه فيه..تدرون كيف يوم أول أحساس حب يكون اتجاه شخص..

كل وحده تزوجت واحد ماعرفت حد قبله..شوفي اول مره تقولين له احبك كيف يكون أحساسج!! شوفي أول مره تلمسينه فيها كيف يقشعر بدنج..شوفي يوم هو يقولج كلام حب كيف تحسين..!! أنا حرمت نفسي من هذا كله…

كل هذا حسيته ويا (…)..أحلى ايام ممكن تحسنها أحلى ايام عمرج حسيتها وياه..((للاسـف))..

كيف اقدر أنساه ساعدني ..!!!

(همسـه: ياريت كل بنيه ما طاحت طيحتي تعتبر..والله يا أنه أحلى حب وأحلى شعور ويا ريلج..لا ترخصن بنفسكن ابد أبد..مهما حسيتن بفراغ عاطفي..؟او حتى عندكن الحريه..مب عيب ان نحن نخطا لكن ما نستمر بالخطأ أو نخطأ الخطأ الي اكبر عنـه..خلج عزيزة نفس..والله اني دوم أحاتي ريلي فيوم يعرف اني كنت على علاقه..تخيلن لو انكن ماعرفتن كيف عايشات بثقه ولا عندكن شي يكسر خشمكن..أنا غلطت وندمانه..لا تعطن نفسكن مجال تندمن على شي ما وراه الا تعب القلـب..والخوف..وانج تسوين شي حرام ولو انها مكالمه فون..!!

THE END

وانا أقولج دام ريلج يالسة اتفدينــــــــــــه وانه ما عليه كلام اتعوذي من ابليس وكل ما تتذكرين الثاني استغفري واذكري الله واذكري محاسن ريلج وحليله وذكري عمرج انج انسانه متزوجة

أبا أضيف : لاتعيشين في وهم وتصدقين انه كان بيخطبج .. لنه عارف ومتأكد انج دامج رمستيه في المسن فأكيد عندج ألف غيره.. يعني لقاه عــــــــذر عشان يفتك يا شاطرة

والله يستر عليج ويصلح لج شأنج وأمرج يارب

موفقة والسموحة

والسمـووووووووووحة

ويستر عليج

دايما

كلما تتذكرينه حاولي انج تشغلين نفسج بأشياء ثانيه …وبتنسينه بالتدريج ..خلي بالج الحينه في ريلج
والله يهنيج خيتو ..وان شاء الله القصة تكون عبرة لنا ولغيرنا