الله يسلمكم بخبركم قصتي من البداية….
انا مالجة من سنة و شوية و ريلي من وقت الملجة ظالمني لا يسأل عني وما ايحب اييني وكله طلعات مع ربعه ما يحب يتصل ولا ايرد عليه !!!
عقب الملجة بفترة بسيطة زخيته يكلم وحدة ووعدني انه ما يكلم مرة ثانية بس للاسف زخيته بعد وبعد وبعد!!!! المهم الحين من كم شهر وعدني ان خلاص و حسيت ان تغير وااايد و قام ايحب اييني و يتصل دووم !! لين قبل رمضان الريال رجع تغير ونسيت اخبركم انه هو ما كان يصلي و الحمدلله غير قام يصلي!!! وكنت قبل كله اقوله ماباك و طلقني بس كان متمسك فيني …. والحين يوم العرس ما بقاله شي يقولي انا ما اباج و يقول انا احبج بس انتي ما بترومين تتحمليني معنه والله انا احبه وما اتخيل حياتي بدونه وانا اتحملته عليه واااايد اشيا وهو انسان مب سهل والحين عقب هاا كله و هالدموع كلها ايي وايقولي انا خلاص ماباج والله اني تميت اصيح واقوله حرام عليك لا تسوي جي بس الريال مصر و عقب رمسته و قلتله انا اشوف ان كل مشاكله لان نحن بعاد عن بعض و قلتله خل نتزوج و نفتك جان يقولي اونه انتي فكري هاي حياة و مستقبل قلتله الواحد يفكر قبل الملجة مب الحين يفكر !! يقولي اخاف تندمين انج خذتيني و اتمين اتذكريني فالماضي و ايقولي ان انا استاهل ريال احسن عنه وقالي يباني اكون سعيدة !! و عقب قلتله ان حياتي ما تكون سعيدة الا معاك !! و قلتله الله يخليك فكر وقالي بفكر و برد عليج عقب كم يوم !!! والله اني انا الحين فحاله الله يعلم فيها بس تعبت من التفكير و الرقاد ما اييني فليل !! حاولت اغير رايه وكله اكلمه عن الصغاريه (ترى هو وايد يحب الصغارية) و اقوله تتخيل عيالنا كيف بيطلعون وجي وكله اكلمه كيف حياتنا بتكون يوم بنعيش مع بعض !! دخيلكم خبروني شو اسوي؟؟؟؟؟؟؟؟؟؟
دوووم انصح كل بنت لا تطول في الملجه يعني تخليها شهر ولا شهرين
لان البعد اللي بين الزوج والزوجه تصير المشاكل بينهم
وانا بعد كنت شراتج كل يوم بمشكله بس مب بسبب الخيانه لا عن اشياء ثانيه
بس الحمد لله من عرست احس اني انا كنت غلطانه لانه كنا بعاد عن بعض
والله يوفقج في حياتج
حبيبتي استخيري احسن لج وراجعي وجوفي نفسج فكري بعقلج مب بقلبج صحيح الواحد صعب عليه ايهد شخص بسهووله وهو متعلق فيه ويحبه بس هذي هي الدنيا تجمعنا بأسباب واتفرقنا بأسباب
وإذا كنتوو من نصيب بعض فهذا خير لكم وإذا ما كنتو لبعض فهذا بعد خير لكم سبحان الله محد يعرف وين نصيبه ولا ويين بيلاقى الخير ولا السعاده،،
بس آآخر شي اقوول استخيري وما خااب من استخااار
واذا لكم خيره بتستمرون وربي بييسرلكم امورركم واذا مالكم خيره تراج استخرتي وادعيتي
الله يريح قلبج ويوفقج يارب
طمنينا عليج ^_^
بس ردي استخيري ..
فالميه صحيح انا ربيعتي كانت دوووووووووم مشاكل مع ريلها اياااام الملجه بس من عرسوا والله ان استوا غيييييير
حتى هو نفسه ريلها يقول انا ما توقعت جيه اعيش انتي حاولي تقنعينه وفكرة اتكلمينه عن العيال فكره حلوه دووووم
عيشيه في الواقع المستقبل مب الحين لأن انتوا بعاد عن بعض وما في زوجين يختلفون ومن هالسوالف والله يفرج
همج وضيقتج يااااااااااااااااااااارب وحااااولي قدر المستطاع تقربين العرس لأقرب وقت وحتى وان كان شهر سيري
تزهبي وسوي كل شئ قولي له انج بديتي تزهبين وانج تترين تعيشين هاليوم بفاااااااااارغ الصبر والله يسعدج
ياااااااااااااااااااارب