أمسات كنت سايرة لمول الإمارات .. وفي وحدة بياعة وقفتني عسب تراويني شو عندها ( هالبياعات إللي في الممرات ) .. و طلعت لي شي شرات مساحة الصبورة .. اسمحولي معرف كيف أوصف شكله .. بس هو مستطيل و حجمه معقول .. و جلست تهذرب علي بالإنجليزي عنه و هي ماسكة ظفري و تحكه عليه و تبرد .. ولما خلصت طلع ظفري مصقووول و يلمع .. بس لغبائي كنت مستعيله وما فكرت أسألها شو هذا وكم سعره !! ولما بغيت أدور عنها نسيت المكان إللي لقيتها فيه .. خخخخ .. تدرن عاد المول كبير ! و أخوي كان مستعيل يبغي يروح !!
عسب جي بنات شو هالشي إللي يخلي الأظافر تلمع ومن وين أقدر أحصله ويا ليت المكان يكون إللي ينباع فيه قريب مني .. لأنه موب دايماً نروح دبي !!
متروووووووووس انا شارية الحبة ب 8 دراهم!!!!
تحصيلة فقسم العناية بالبشرة والجسم
بس شكلة مثل عود الاسكريم بو نص بس عريض !!
انتي سيري وشوفي وصدق يخلي الظفر يلق من اللمعان!!!!
جوفي الله يسلمج هذا تلاقينه بكل مكان في السوبرماركت صوب أدوات التنظيف…بس أقولج عشان ماتتلخبطين روحي فديتج بدي شوب فيه موجود هناك أنا أخذ منهم قوليلهم وين الملمع الاظافر وبس..
وأي شيء ثاني أنا حاضرة..^_^
و فماركس سبنسر بعد تلقينه