الحمدلله رجعت موضه البنطلونات الخصر العالي يعني ماله داعي خصر واطي ويوم تجندسين تتفشلين !
[LIST][*]لا تنسين اذا كنتي مسافره كثري من اللينين لانه ماكو اريح منه وانتبهي على الخام في بعضهم وايد يشفون ويبين الجسم[/LIST]
التوبات الي فيهم ورود هالسنه موضه الورود في وايد منهم بزاره وخامهم بارد ويهبل والوانهم حدها صيفيه
الفاستين الطوال اتوقع كلكم لاحظتوهم بالسوق خامهم حلو وتقدرين تلبسين فوقه جاكيت خفيف ومريحين وايد
موضه الاظافر المقوسه ارجعت يعني لج الحريه تحطين اي لون صبغ اظافر تبين بيطلع حلو ومو لازم تتقيدين
وداعا للحزم العريضه الحين الموضه الحزم الظعيفه لانه صيف
النظارات الي الكل هاب فيهم الحين summer`s must have تمشي مع اغلبيه الناس مو شرط ويهج طويل ولا دائري ولا خشمج كبير ولا صغير حدها كووول
القمصان احلى ش في هالصيف القمصان ردت موضتها واذا تبين تصيرين ستايلش اكثر خذي قميص بولو لانه قمصانهم شي راقي
لا تنسين واقي الشمس واخذي لج واحد قوي يعني يكون spf 50 وطالع لا تاخذين شي من ماركات مثل ديور وسالوران الخ لاني رحت سألت وحدهم 35 واتوقع حق حرنا والشمس 35 ما يسوي شي
لا تنسين تاخذين لج عطر هادي وريحته ناعمه للصيف لانه العطورات القويه لمه تشمينها بالصيف تحسين بترجعين عن نفسي هالعطر وايد ناعم وجنه ريحته صابون ونظافه وايد احبه
بالمكياج حاولي تكونين ناعمه كثر ما تقدرين نظام كحل داخل العين بلشر وردي فاتح او برونزي فاتح مو حده يبين وحمره لونها لحمي او وردي فاتححححح تكحيل وايد للعين بالصيف وبالظهر مو خوش شي
وهذا الي انا اعرفه واذا عندكم شي بسرعه قولو لنا وخلونا نستفيد !