موقف بلاسنزا في ابوظبي مول مع المحاسبه

روحت لاسنزا من يومين وخذت منه اغراض دفعت وكانت اللي تحاسب اتقول ما ادري صح جذي حسبتهم كانها متردده فقلت لها انا خذت بالعرض وهذا سعره جذي والثاني بعد بالعرض فقالت لوكي يعني عرضين ب 00000 وكنت اتريا اختي تخلص شفت قميص نوم يمكن شفتوه اسود شفاف عليه ترتر189 اشتريته وقالتلي وحده مغربيه من اللي يحاسبون مليانه شوي شوفي تاكدي ترى هذى البضاعه ماتنرد ما ادري تباني اتاكد من شو قلت القياس اوكي وحاسبتني ردت درهم وكان وراي ناس خذت الفاتوره بسرعه وظهرت وكنت شاكه سبحان الله شفت الفاتوره بالسيارة تاكدت انها حسبتلي 199 انتبهوا تراهم يستهبلون والعلم عند الله

يمكن ياختيه هيه مانتبهت لو رديتي عليها كان احسن
بس بعد الواحد لازم ينتبه لانه لو نحن ماعطيناهم حقهم كامل والله لايسونها فضيحه

حبيبتي هالموقف صار لي في كذا مكان وترا بالعماله
بس حقنا جي لانه ماننتبه بس الاجانب لا لانهم ينتبهون

فديتج هالحـــركه في كل مكااان … و نحن لازم كل مايردولنا الفاتورة نتأكد….

عادى انا صارلى ها الموقف فى زاره خذ الفلوس ونقص عنى اميه كامله مشيت اشويه وانا من عادتيه انى احط الفلوس بدون ما احسب لانه الاخ كان من بلد عربى بس حسيت فى ويه شى غريب فلما رجعت عنده قلتله حسابك غلط على طول عطانى الاميه من دون ما يفتح حتى الصندوق

نحن في المحطه اللي فحتا

حسبلنا 20 زياده بس الحمدلله ابويه انتبه انه الريال زاد شويه فهو كان مستغرب انه نحن شو ماخذين بهالسعر

بس عقب ادبه

الله المستعان يا خواتي

عشان جيه قبل لا تظهرين من المحل احسبي اغراضج بكم يطلعن ورديلهم شو يعني اسكت والله ما سكت

حراميه عيني عينك هاللي ناقص