بخبركم شو يسون مكاتب البشاكير ..
كان عندنا بشكاره اندونيسيه .. زينه .. تطبخ اوكي .. بس ما كانت تتشغل في البيت زين .. يعني تنظيفها عادي .. امي ساعات تقوم تنظف وراها .. وتموت في شي اسمه يهال ..
المهم ما كان حد يقدر يقولها شي .. لو حد رمسها تظررررب بووز وتعصب وتعلي صوتها .. ويوم نقولها انتي بس تنظفين البيت ويوم نباج تطبخين تطبخين .. لانه امي ما كانت تخليها تطبخ كل يوم بس مثلا يوم يكون عنده موعد يوم تكون تعبانه ويوم توعى متاخر بس .. لكن امي اهيه الي تطبخ .. المهم احنا ما يجيب من بلاد علشان تشلين اليهال وتلعبين وياهن انتي بس تنظفين البيت .. تضرررررررب بوز وتعصب .. وغير جذيه تعاند يوم تشوف اليهال طلعن قامت تركض وراهم وتركب سياكلهن وتتزحلق في المريحنات .. واحنا ساعات نطنش ونقول برايها وساعات نصعب لانه البيت يكون وصخ وهيه ولا على عليها
يوم تشوف اخويه العود دخل تزيد وتلعب مع اليهال وتضحك وتسولف مع اليهال وانا اصلا اخويه ما يداني البشاكير خير شر.. وتقعد تقول لحرمة اخويه ( فارس ) خشمه طويل .. فارس حلو .. في اندونيسيا الحرمه تحب الريال الي خشمه طويل .. وحرمة اخووي تنقهر قهر منها وتقول شو هذي عيني عينك تتغزل في ريلي .. نقولها انزين نازعيها تقول اخاف تسوي شي لليهال .. هيه كانت تشتغل قبل في السعوديه .. تقول في السعوديه ثلاث بيوت يرانهم ريايلهم متزوجين اندونيسيات .. يعني هيه تعرف اندونيسيات متزوجات سعودين .. قلنا الا اكيد السحر يلعب دور ولا انتوا مب من جمالكم يعني علشان يتزوجوكم .. ويوم تفتح التلفزيون وتشوف اغنيه تقعد تغني مع الاغنيه وتقول هذا تامر حسني .. وهذا عمر ذياب .. ومره شافت الوسمي وقالت هذا حبيب مال انا خخخخخخ قالنا روحي حسبي الله عليج جي تتكلمين جدمنا .. وتحط سماعات في اذنها يوم تكون في حجرتها ونقعد نزقر ولا ترد علينا ويوم نسر نلاقيها تسمع اغاني وحاطه السماعات ومستنانسه
ومره امي قالت لها طبخي اليوم علشان عندي موعد في المستشفى قالت لها اوكي .. طبخت
ويوم يه وقت الغدا نادتها امي وما ترد وتنادي وما ترد يوم سارت لها لقتها حاطه السماعات قالت لها ليش انتي ما تردين يوم اناديج .. قالت لامي ليش شوتبين .. قالتلها تعالى حطي غدا .. قالت يا سلااااااااااااااام انا اسوي الغدا وحطه بعد .. قلت امي يوم جذيه قومي نسير المكتب .. يوم سارت المكتب صاحب المكتب كلمها كلمتين وقالها يلا سيري عند ماما .. قالت لا انا يوم اطلع من مكان ما ارده ..
تخيلوا يا بنااااات كانت تحاول تتكلم مواطن .. يعني تقعد تقول اخبرج .. امج .. شفيج انتي
والله سالفه
المهم صاحب المكتب قال لامي بسفرها بلادها وبسفرها من فلوسها .. امي قالت خلاص انا بعد ما اباها ..
وبعد فتره اتصلت عليه .. وقلت خيبةةةةةةة انتي وين قالت انا في اندونسيا قلت لها هذا رقم الامارات قالت هذا رقم يمشي في اندونيسيا من هبلي وطيبتي صدقت .. المهم قالتلي عطيني اكلم اليهال المهم ما بغيت اكسر في خاطرها وعطيتها تكلمهم ..
وسكرت وشويه اشوف اخويه الصغير الي عمره 19 سنه يقول البشكاره ( فلانه ) اتصلت عليه قلت لها شو تبي منك قالت انها تبي تسلم قلت له من وين يابت رقمك قالي ما اعرف اشوفه رقم غريب قلت منو هذا طلعت اهيه .. الستغربنا من وين يابت رقم اخويه الصغير .. بنسبه لي انا معطيتها رقمي مره عشان امها تتصل عليه يوم تى تكلمها … المهم امي قالتله لو تصلت عليك مره ثانيه ياويلك ورديت عليها عطينا انا اكلمها .. واشوف من يوني ابت رقمك ..
المهم تقربيا من يومين ثلاثه اتصلت على حرمة اخوي وقالت لها انا اريدج تيبيني الشتغل معاكم وتصصصصصصصصصيح حرمة اخوي تقولها شفيج تقول انا اريد الشتغل معاكم انتوا اطيب ناس عرفتهم .. انا بشتغل زين بس خلوني اي عندكم .. حرمة اخويه قالت لها ليش انتي وين الحين .. قالت انا الحين في البريمي .. وشتغل عند ناس بس هالناس ما يبوني يقلون دوري كفيل علشان احنا ما عندنا فلوس نعطيج كل شهر 600 .. المهم قالت لها حرمة اخوي انزين السالفه ما تصيح ليش تصحين قالت انا ما اصيح انا مريضه .. قالت لها حرمة اخويه انزين صاحب المكتب قال انه سفرج قالت لها لا انا ما سافرت هو وداني عند ناس وخلوني على كفالتهم .. قاللت لها عيل ليش يجذب ويقول انه سفرج .. قالت لا هو اصلا الي كان يشجعني .. قالتلها كيف .. قالت انه هو قالي لازم تكونون مطيعين في اول ثلاث شهور تكونون زينين .. طيبين .. اي شي يطلبونه منكم قالوا حاظر وبعد ثلاث شهور سو الي تبونه .. الثاري انه البشكاره لو سوت مشكله خلال ثلاث الشهور يكون التسفير على صاحب المكتب ويا اما يدفع كل تكالف الخدامه .. يا اما اييب خدامه ثانيه على حساب المكتب .. والمواطن ما يدفع ولا درهم .. لا وبعد تقول يقلون لهم لو ما عيبكم الشغل هناك تعالو بنوديكم بيوت ثانيه .. وفي هذي الحاله صاحب المكتب كسبان منا احنا فلوس .. وبيكسب بعد من عند الناس الثانين الي بيشغلونها .. لا وبعد من فالحتنا امي يوم ما بغتنا هذي الاندونسيه سارت يابت فلبينيه بعد من المكتب نفسه يعني يكسب منا دبل فلوس
قلنا اها علشان جذيه اهم ايون محسنهم على ثلاث شهور .. اول ما يدشون البيت يكدون كد .. حتى حواف حدايد الدرايش ينظفوهم وبعد ثلاث شهور يكسلون ويطلعون لسان .. المهم حرمة اخوي قالت لامي وامي قالت ابدا ما اطيح البيت ..
المهم شفتوا اصحاب مكاتب البشاكير شو يسووووووون هم الي يشجعوون البشاكير على البطررررررره .. حسبي الله على عدوهم ..
شو رايكم بلي يصيرررررر
لا وفيه مكاتب تقول لهم اشردوا وتعالوا لنا نحن بنشغلكم باليومية
عسب اول ثلاث شهو نحن نغمض عيونا مرتاحات منهن
بس نفتح عيونا ونراقبهن عدل ,, ولاحظي هالشي انتي اصلا
بس انتي من البدايه خوفيها وهدديها هيه والمكتب
والله يعينا على بلاويهم
شو نسوي الحال من بعضه الله عليهم و يرد كيدهم بنحرهم
ربي لا أسئلك رد القضاء و لكني أسئلك اللطف فيه
المشاركة الأصلية كتبت بواسطة العذوب 
لا وفيه مكاتب تقول لهم اشردوا وتعالوا لنا نحن بنشغلكم باليومية
بالفعل هذا اللي صاير ..!
واذا انتي ادورين شغاله شوفي احد اتعرفونه بشكارتهم زينه ويبي من معارفهم احنا جيه انسوي بلا مكاتب كلها نصب وبعد تطلع عليج اقل