ادش في الموضوع على طول ..
انا اليوم مريت السوق الجديم ولفتت نظري جلابية الفراشة مطرزة على الصدر والاطراف فيها خرز فدخلت المحل اعتقد عند محل راجو بلازا .. مب متاكدة .. شفت سعرها بالف درهم :1 (37): :1 (37): .. .. فاستغربت صراحة هي صج حلوة بس ما تستاهل هالسعر .. وانا كم مرة قريت انه فيه بنات يسوون على 700 وفوق .. فقلت الصراحة مبلغ مبالغ فيه على جلابية .. يعني هالسعر احطه في فساتين سهرة اوكي اما جلابية لا !!
فخطرت هالفكرة في بالي وبسويها بعد العيد ان شاء الله .. بشتري شيفون واحد او شيفونين متناسقين وادمجهم ويا لعض يعني واحد حق الجلابية والثاني حق الاطراف .. وسوق السور متروس وانا من كم يوم شريت شيفونات روعة من محلات احمد كان مسوي تنزيلات الوار ب 10 دراهم والعرض عرضين وخامته حلوة وايد وبعدين بسير المحل اللي يبيع ادوات الخياطة وهالسوالف بشتري من عنده اكسسوار والخرز والكرستال اللي ايبيعه بالوار اكيد اتعرفون شو اقصد وقبلها طبعا بتفق ويا خياط شاطر في التركيب .. وطبعا خياييط حلوان وسمنان كل واحد اشطر من الثاني وبوديله وبخليه يسوي لي حركات على الصدر ويركب لي خرز على الاطراف وسعرها ما اعتقد بتعدى 400 درهم ( الشغل + الاكسسوارات ) ..
وممكن الوحدة اتشوف موديل الفراشة وتحط الفكرة في بالها او اتودي صورة عايبتنها وتسير عند الخياط واتفهمه الفكرة وهو بسويلها .. واكيد بيكون ارخص بوايد من الجاهز
ما ادري شو رايكم خواتي في هالفكرة ؟؟؟
الله يعطيج العافيه
انا منتظرة الفكرة الي بتسوينها يا ليت تعرضينها