موضة العيد مع الصور ^.^

السلام عليكم ..
اشحالكن خواتي عساكن بخير !!
هذي اول مره اشارك فيها فهالمنتدى بموضوع … بس لأني شفت العيد قرب والبنوتات الحلوات شراتي :22 (5): يدورون على الموضه لكل عيد … قلت لنفسي : روحي يابنت واكتبي شو شفتي في المحلات وشو لفت نظرج .. وشو الموضة اللي طايحين فيها البنات هاليومين عسب الكل يستفيد .. وطبعا كل بنيه خاطرها تكون احلى وحده في العيد وسبيشل عن باقي البنات .. :22 (10):

ماعلينا من الرمسة الزايده .. :1 (82):
صراحه انا اللي لفت نظري في المحلات الحينه هو الفساتين الناعمه والقصيره .. منتشره بشكل مب طبيعي .. كل ما ادخل محل على الأقل يكون فيه 3 انواع من الفساتين القصيره .. انا هني استغربت قلت هب معقوله كل المحلات طايحين بالقصير جيه؟؟؟؟؟؟؟؟؟؟؟؟؟؟ وخاصة في المارينا مول في ابوظبي ..

بس صراحه الفساتين اللي الحينه طايحين فيها ناعمه وحلوه والوانها هاديه :1 (32): .. <<< مع اني دوم في العيد البس شي غريب ووالوان غريبه :1 (84):
لكن هالعيد شكلي بالبس شي هادي وناعم لأنه وااااااااااااااااايد عيبني صراحه ..

ويبتلكم كم صوره للفساتين اللي اقصدها … خليجية