اليوم قررت أبدا معاكم يوميات من نوع ثاني.. يختص بشي واحد من حياتي.. بس مطلع عيني.. ومسهرني الليل.. فقررت بما أني ابذل له من راحة نفسي واعصابي وايد.. قررت أني اسوي له يوميات.. يمكن يخفف من التوتر اللي فيني..
أنا في مرحلة من مراحل الماضي الجميل.. كان عندي شعر يضرب به المثل من كثافة وطول ونعومة وجمال.. بس لكل شي اذا ما تم نقصان..
لأني كنت لازم أفرده في كل المناسبات.. وجدام كل الخلق.. كان البلاء..
وجنت على نفسها براقش.. وعشان اكون صريحة.. مش كله عين وحسد.. بس إهمال مني..
فعلا.. الواحد ما يعرف قيمة الشي الا لما يفقده..
كان يمر احيانا اسبوع من دون ما اغسله اذا كان عندي امتحانات.. كنت العب فيه وايد.. واقصه وأغير التسريحات بالهبل..
لا حمامات زيت ولا حتى زيوت.. اللهم لك الحمد والشكر..
وبداية الهم كان مع القشرة.. والله لا يوريكم هالقشرة.. ما خليت شامبوهات او علاجات سواء طبية او طبيعية الا استخدمتها.. بس والله ماشي فاد.،
كان القشرة تخف وترجع..
وبعدين بدا التساقط.. وما وقف أبدا.. كنت احيانا أخاف أني باستوي صلعا عقب فترة..
فبدت رحلة الزيوت.. يمكن ما خليت زيت في الجمعيات او الصيدليات ما جربته على شعري المسكين..
كنت اجرب كل زيت مال شهرين ثلاثة.. بس ما يفيد.. وبعدين رجعت لزيت الشعر اللي أمي استخدمته حقي وانا صغيرة.. زيت أملا واصغر علي ما ادري اكبر علي.. بس بعد ما فاد..
بعدين جلبت على حمامات الزيت.. واشتريت الجهاز بما ادري كم.. واشتريت الكاب الحراري.. واتفننت بحمامات الزيت.. بس زادت القشرة..
فقلت أنا أكيد اسويهم غلط.. رحت سويت اشتراك في الصالون حق حمام الزيت.. ولعبت فيني وايد.. بس بعد ماشي فايدة.. غيرت الصالون.. بس بعد ماشي فايدة..
قصة شعري لا نهائية.. أنا اكتبها عشان اعزي نفسي.. وعشان افيدكم بعد بنات.. يمكن حد يتعلم من أخطائي.. بأكمل قريب أكيد..
انا افكر بالكيراتين بس خااااااااايفه لان شعري خفيييييف وضعيف
الله المستعان
متسوقه vip
بس الكيراتين يخرب الشعر ما انصح ابدا خصوصا ان شعرج خفيف
شراكم بالثوم احسه رائع للشعر بس المشكله ريحته 
المشاركة الأصلية كتبت بواسطة مونتاج 
الله المستعان
متسوقه vip
بس الكيراتين يخرب الشعر ما انصح ابدا خصوصا ان شعرج خفيف
شراكم بالثوم احسه رائع للشعر بس المشكله ريحته
بالتوفيق بادن الله
شعري صار ما يتشاهد عليه ابد >< والله بصيح