كيفكم حبايبي
بختصر الموضوع عليكم
شعري حالي منتهي والسبب وايد عوامل منها اولا اني غيرت لونه من الاسود الى البني الفاتح وسوالي سحب لون طبعا
ثاني شي سويت كيراتين على زعم انه يعدل الشعر بس الصراحه لا صار شعري ينمط والماي يتم فيه فتره طويله ما ينشف
وبعدها سويت بوتكس للشعر حسن شعري بس بنسبة ضئيلة ما يتعدى ال 10% فطريت اني اقص شعري لين كتوفي ، وانا الصراحه اكره شي عندي ان شعري يكون قصير .
قريت وايد تقارير عن الشعر وطريقة الاهتمام فيه بحيث ان شكله يكون صحي ويطول واللي اقتنعت فيه وراح اطبقه هو التالي:-
1- استخدام كبسولات زيت السمك .
2-استخدام حبوب فوليك اسد .
طبعا لاني سويت تحليل دم وطلع عندي نقص في الفيتامينات .
3-خذت خلطة من اعشاء بسويها مثل الماسك على الشعر تفيد في انها تطري الشعرمن الجفاف اللي جاه من الصبغه ويشل التقصف بسويه مره بالاسبوع.
4-بدهن شعري بزيت دابر املا ، والطريقة اللي احس انها اوكي حسب تقارير البنات اللي استفادوا من زيت املا هو ان نخلطه بشويت ليمون ونحطه على فروة الراس ونسوي مساج مال 5 دقائق ووبعدين ندهن فيه باقي الشعر ويكون في الاسبوع مرتين ..
5-بستخدم بخاخ فوركابيل لوشن المقوي للشعر بس لين الحينه مش محصلتنه اول ما احصله ببدا فيه وطريقته ان بعد ما اتسبح ابخ منه على فروة الراس مع تدليك بسيط .
وناوية اني ابعد عن الصبغة القترة هذي بس اني كل شهر مره راح اصبغ الجذور بس .
ابا رايكم يا حلوات واذا في شي غلط خبروني حبايبي ….
البارحة سويت حمام كريم من لوريال في صالون بس بدون ستيم بس بالتدليك
واليوم استخدمت خاشوقتين من زيت الزيتون مع خاشوقه من دهن القطران .
وباجر ان شالله بستخدم خلطة الاعشاب اللي تقوي الشعر ..
في شي مهم حبيت اخبركم عنه
اليوم جبت ماي زمزم وقريت عليه الرقية الشرعية للشعر حصلته بالنت لاني مقتنعه وواثقه ان العين حق وهي اللي تصيبنا وتخرب شعورنا .
وقلت راح استخدم الماي في حياتي على طول لان كلام ربي اكيد هو المعالج لاي شي ..
غير اني مستمره بالفوليك اسيد حبة باليوم والاوميغا 3 اخد حبتين باليوم
وسلامتكم حبيباتي