البارحه كنت بسوي حادث

انا بصراااحه قبل 6 شهور كنت اعاني من ريلي ما يوديني الاماكن الي اباها ودوم اذل عمري حق هليه والي يعرف ايسوق من البنات بس من دون ما ابين هاشي الهن ووو بعدين صاارت مشكله كبيره وووقررت اظهر الليسن ووكنت معزمه ومصره والين ما خذته وحزتها تغير ريلي وصار يخااف عليه ويقولي مافي داعي اتسوقين انا بوديج وانا بييبج وانا طبعا ما عترضت ووو عقب 3شهور من هالكلام يايني يقولي تبيني اخذلج سيااره قلتله خلاص انا مابا ومالي خااطر فيها ووقالي جربي ووانتي بكيفج وانا فكرت وقلت يمكن ارجع على ايام المذله وواافقت انه ياخذلي بس البارحه كنت بسوي حاادث فظيييع والمشكله انا وريلي وولدي معااايه ومارقدنا البارحه انا وريلي انفكر لو صار جي وانا اقووله الحمدالله الله ستر وووعقب قالي شو خلاص ما بناخذ السياره وانا قلتله اصبر خلني افكر اليوم برد عليك خبر .. وانا بصرااحه الفليل قعدت افكر وابا ادخل المنتدى عشان اتساعدوني في رااايكن ..
انا مابا اسوق بس اخااف انذلفي رمضان اخااف يقوولي تعبان ومن هلاكلام ووومرات اقول بحاااول اعزم مره ثاانيه واتعلم من اول ويديد ف شو رايكن بنات والله افكااري متشتته ..
يمكن الموظووع ما يستااهل في نظر البعض بس انا وااايد هامني احس فيها حياه وموت والله يبعد عنا الشر امييييييييييييييييييييييييييييييييييييييييين

تستاهلين السلامه الغاليه السواقه يالغلا يبالها جرأه وقلب قوي وحاولي تظهرين وياريلج الظهر او العصر تتعلمين على الوضع وعقب كم اسبوع ادخلي فالزحمه وحاولي تتفادين الناس وجذيه بتكونونين ان شالله سواقه ماهره والله يحفظج

اول شي الحمد لله على سلامتج …. وبعدين الغاليه لازم تعرفين ان كل شئ قضاء وقدر وكل شي مكتوب ف كتابج من قبل لا تنولدين … بس طبعا هذا ما يمنع انج المفروض تديرين بالج على عمرج وسوقي شوي شوي

انا اعرف وحده من كثر ماهي خواافه امووووت من الضحك يوم اشوفها اتسوق عاااااادي عادي الوضع كل كثر ما كانت اتخاف الحين ماشاءالله عليها مثلها مثل اي وحده عندها ليسن واتسوق انتي ياختي فعلا تحتاجين انج اتسوقين صدقيني عزحمه الاسواق والشوارع وماشي باركات ومادري ايش والله محد بيتبرضلج وانتي عندج ولد بسم الله عليه مرض استوابه شي الفليل وريل ابعيد والا مسافر انتي بتسوقين وبتودينه المستشفى شيلي الخوف من بالج بتحبين السواقة والسياره بس يباله قوة قلب وعزيمه منج ودافع من ريلج يشجعج وتستاهلون السلامة

الحمد لله على السلامه
حبيبتي استخيري ربج و ان شاء الله خير

اختي خذي حصص مرة ثانية
وظهري لج موتر هالوقت لازم يكون عندج ليسن وسيارة او دريول

حبيبتي سوقي بكرامتج احسن ولا تذلين عمرج لحد
اللي صار لكم مقدر من عند الله والله كاتبنه اللهم لا اعتراض المهم انتي انتبهي عدل وركزي وان شاءالله ما راح يصيبج مكروه لا تخافييين