اختيه كسرت مياديفي وقالتلي لا تهدينه بغيت رايكن وخص المتزوجاتـــــ

شحالكنــ خوياتيـــ ،،،

فديتكن يايتنكن اليوم وابى شوركن طالبتنكن عاد لا تردني.. دووم اثق فشوووركن ورايكن.. احس اقتنع..

حبايبي شو رايكم بالهدايا بين المخطوووبين.. يعني قبل الملجه..

يعني انا محيره لواحد من اهلي ومخطوبين بس بعدنا ما ملجنا والعرس بعد سنه.. وهو بو شباب بين فتره وفتره يطرشلي هدايا فمناسات تخصني..

مثل عيد ميلاد او اذا مرظت.. وانا من زمااااااان ما هديته من سنواتـــ.. وهو عيد ميلاده جريب فقلت بهديه وبسوي اكشن شوي..

مع اني لا ارمسه ولا يشوفني ولو مريت حذاله ما بيعرفني لاني اتغشى عنه ولا ايلس وياه..

المهم سويت الاهداء وبالقووو رااااااقيــ وجهزته .. لكن،،،

هنيه المشكلهــــ

يت اختي قالتلي شوووو؟؟ ليش تهدينه ؟؟؟ لا لا لا ؟؟؟ ما احبذ ما يستوي قبل ملجه..

انتي ما تعرفين شو ردة فعله؟؟ خلج رزينه وعقب الملجه تهادوا.. لا تستعيلين..

وتقولي انصحج علشان ما تندمين اووونهــ تو الناس…

انزين انا مفتشله دوم ايبلي وانا ما ايبله شي.. بعدين انا احس انها حركه حلوه بيستانس عليها ..

عالاقل فرصه علشان يشتط ويملج.. من الله ما يشوفني كيف بيتحرقص…

مادريــ والله خواتي الصراحه اخويتي سوتليــ رعب ما يسوووى عليه

حرااااااااامــ واطالع الهديهـ وانا متغمظه اقول فخاطري حرام مخسره عليهااا ما اتخيل ما اعطيه خسارة تعبيه

احس بيستانس وبيفرح … بس تقولي مشكله اهله بيقولون متخبله عولدنا واونه ما تظمنين شو يقولون من وراج

واهله طيبين.. وامه وخواته هن اللي يبلي هداياه.. يعني مستحيل يقولن جذه..

ولا فوووق ها كله تقولي: هو شو بيقووول.. بيقول متخبله عليه..

مع اني احس السالفه ما تسوى ها كله.. عنبوووه الا هديه.. والدنيا تغيرت الحين.. الريايل مب شرات قبل .. الحين تعيبهم هالسوالف..

الصراحه ما قنعتني رمسة اختي

شورن عليه خواتي شو رايكن؟؟ يعني شو تكون ردة فعل الريال..؟؟ خص المتزوجات احس عندكن خبره اكثررر..

فيدني خواتي اهديهــ ولا ابيع الهديهـــ .. حرام تعبانهــ فيها من الخاطر…

اترقب ردودكن.. يعل من ترد على موضوع السعاده فالدنيا والاخره ويعلها الفردوس الاعلى وان شاء الله ربي يحقق اللي فبالها..

آميييييييييين يارب العالمين