بسم الله الرحمن الرحيم
السلام عليكم عزيزاتي اليوم بقول لكم تجربتي مع هالخلطه الهنديه .
بصراحه هالخلطه عطتني اياها هنديه في صالون وقالت لي لا تقولين حق حد بس انا ابي الاجر والله يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده جدااا بالنتائج والله يابنات شي عجيب ….
هذي الخلطه تنبت الشعر 100% وايضا تخليه طري وناعم ولامع وتطوله بعد
الاشياء اللي نحتاجها
1- زيت Anoop تحصلونه في محلات الهنود هو زيت لون علبته خضراء
2- زيت جوز الهند حتى لو كان برشوت لان برشوت ايضا جيد
3-زيت اللوز
4-زيت الخروع
5- ماء ساخن
6-فوطه خاصه للشعر ((طبعا بتوصخ))
7- كاب للشعر
8-قطن الخاص بالوجه
9-ورق نايلون ((الخاص بالاكل))
الطريقه : :
تاخذين طاسه صغيره وتحطين الزيوت بكميات متساويه وتكثرين من جوز الهند …
الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه
فهمتووو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه
لين خلصتوووو الحين نسوي تدلين باطراف الاصابع مانضغط بقوه تحملوووو يطيح الشعر هالطريقه
بحركات دائريه بخفه نركز على الفروه مهب الشعر .
الحين بعد ماخلصنا من وضع الزيت في الشعر و التدليلك نلفه بطريقه محكمه …
الحين ناخذ النايلون ونلفه على الشعر كله مانخلي مجال للهواء تحملوووو الزيت يوصل للجبهه لانه ينبت الشعررر مب تقولوووون انا ماقلت
ونحط الكاب على النايلون …
نحط الفوطه في الماء الساخن ((تحملو تحرقون ايديكم )) ونعصرها زين مازين ….
بس نحاول ان البخار يتم فيها ونحطه على الراس ونلفه مثل (((سندباد )) هههههههههههه يعني عمامه
لالا ااتغشمر وياكم بس لازم تلفينها بطريقه ان الحراره اتم في الفوطه ….
ونخليه لين تبرد الفوطه بامكانا نكرر هالعمليه اللي هي الفوطه
بس لازم لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه …
وصدقوني مايكمل 3 يوووم الا النتايج طالعه … واستمرووو عليه لمده شهر على الاقل
وبتقولوووووووووووووووووون اني قللللللللللللللللت لكم الله يشهد انا يابنات مجربه هالشي ولين الحين
اسويها يوميااااا ….
بنات امانه الله عليكم اللي تستفيد تدعي لي
:
:
تحياتي للجميع
…
منقول
ويوم قريت هالخلطة سرت خلطت الزيت اللي عندي في خلطة زيوت أنا مسوتنها من بواقي الزيوت اللي كنت استعمله (خروع / لوز/ شوي زيت يتون/ حبة البركة / صبار / براشوت ) يعني هالزيوت كان باقي عندي شوي شوي في الغراش وانا خلطتهم كلهم في غرشة وحدة ,, جان احط فوق الزيوت زيت أنوب ,, واستعملته وياهم بجهاز البخار ,, الصراحة النتيجة عاجبتني ,, التساقط وايد خف والكثافة صارت واضحة بس الطول مافيه طول زيادة يعني ,, الطول الطبيعي لشعري
وسلامتج
