شعري كان قصير وكان حقل تجارب لجميع الصبغات الجديدة والميش وكريمات الفرد
وآخر حفلة سويتها في شعري وهي الطامة الكبيرة اللي ندمت عليها ندم عمري أني سويت الحنة السوداء اللي تفرد الشعر ، صحيح في البداية تفرحين بالنعومة ، بس لايمكن تصدقون كمية الشعر المتساقط هذا غير الشعر المفتت ما أجلس على كنبة إلا وحولي فتافيت الشعر وأحسه زي الدبابيس في رقبتي..
المهم قررت أني أقصه وبالفعل قصيته إلى أسفل الأذن بس مارضي يطول بسرعة وأنا أبغى أتخلص من آثار الحنة ، رحت للكوافيرة وقالت لازم تقصينه كل شهرين لين تنزل الحنة السوداء..
ومرة وأنا في السوبر ماركت كانت معي شغالتي أندونيسية ، شافت ثمرة جوز الهند وطلبتني أني أشتريها لها قلت ليش بتاكلينه قالت لا بس تبي تسوي منه زيت عشان شعرها ، سألته وش فايدته للشعر قالت يخليه طويل وناعم ، بس لازم أجيب كذا حبه ، قمت جبتلها 15 حبة سوتهم على دفعات لأن شغلته مرة متعبة..
وهذه هي الثمرة للي مايعرف شكلها…
https://tbn0.google.com/images?q=tbn:…26/Coconut.jpg
تقريباً أخذت 6 أو 7 حبات كسرتهم لأن القشرة حقت الجوز صلبة زي الحديد وأخذت اللب اللي داخلها وهو شوي قاسي وقطعته قطع صغيرة وخلطتهم مع الحليب الللي داخل الثمرة وأضافت لهم قليل من الماء وخلطتهم في الخلاط إلى أن صار الخليط سائل ثم وضعتهم في صاج على النار وخلته ينطبخ حتى تبخرت كل كمية الماء ثم صبته فوق قماشة منخلة ومن تحتها زبدية عشان يتقطر فيها الزيت ، بعدين عبيه في قارورة واستخدميه..
طريقة وضعة على الشعر:
أنا كنت أحطه يوميا وأغسله يوم بعد يوم ، بحيث أني لما أبغى أغسله أشبع فيه الشعر وأغطيه بكيس بلاستك لمدة ساعتين بعدين أغسله وبعد الحمام أخليه ينشف شوي ثم أضيف كمية بسيطة من الزيت مسحتين ثلاثة تقريبا عشان بس يترطب والنتيجة بانت من أول شهر ليونة وطوووول ونعومة ..
وسلامتكم ..
بس بغيت اعرف وين احصل الجوز
الجوز يتحصل بسوق الخضره والفواكه
وشي بكارفور والجمعيات
خدامتنا كانت تقعطه وتغسله وتحطه في الخلاط وتطحنه مع ماي نضيف وبعدين لاتحطين ماي وايد يعني نفس قلاص الخلاط ولي ضربتيه لين يصير مثل الحليب اشخليه قبل لاتحطينه في الجدر وخذي لي شخلتيه وزيدي عليه كوب ماي واضربيه ثاني مره لين يصير مثل الماي وحطيه على لي طحنتيه قبل وحطيه على الغاز وخليه يفور لين ينشف بتشمين ريحته جنج مسويه بسبوسه وبعدها خليه لين يصير لونه بني ذهبي وخليه يبرد وحطي شي تحت الجدر حتى يصفي الدهن عن الناريل وحطيه في راسج وشوفيه شو بيصير
ودعي لي بالخير ولا تنسين راعية الموضع الاصلي