طريقتي
1- استخدمي شامبو مع بلسم بانتين وايد اوكيه للشعر ينعمه ويرطبه<<< شامبو مع بلسم في آن واااحد يعني هب منفصلين 
2- حطي على شعرج حمام زيت ويفضل يكون بالحليب والعسل وخليه لمده 3 او 5 دقايق وبعدها اعسلي شعرج بالماي بس
3- بعد الاستحمام حطي على شعرج شوي من سائل ليفون Livon وااايد ينعم الشعر ويرطبه وهو غني بفيتامين E و مايضر الشعر وهو خفيف عالشعر يعني هب شرات باجي الزيوت والكريمات لأ هذا خفيف يقعد فترة عالشعر يمكن يوم وبعدها بتحصلين شعرج ناعم وطبيعي كأنه نظيف ومافيه ولا اثر لزيوت عليه يعني يعطيج نتيجه روووعه كأنه هب امزيت
ملاااااحظة مهمه : ابتعدي عن الماي الحار لأنه اهو السبب في جفاف الشعر وتقصفه و يجمع الغبار على شعرج ..
والسموحه
صار شعري لين و فيه لمعه
مع ان الله لايراويج كيف كان جاااااااااااااااف
هيه اتبعه عندها في قسم العروض التجاريه
انشالله فدتج الغاليه
وعندي خلطة بعد زينة وتنعم وتطول (منقول) وانا استخدمها الحين
تحطين مقدار واحد بالتساوي كل من الجلسرين السائل و زيت الزيتون و عسل و خل وتخلطينهم وتخلينهم يوم واحد وبعدين تحطينه من نصف ساعة الى الساعتين (جربها وخبريني)
اهوا بكرتونه بيضا و السائل لونه شفاف وماله ريحه
وهذي صور العلبه عسب اتعرفينها