۝ دخلواا ۝ حسبي الله عليهم ونعم الوكيل ۝ محتاجة لكم ۝

قال تعالى : ولا تحسبن الله غافلا عما يعمل الظالمون

بختصرلكم السالفة !!!

السالفة ومافيها أني متزوجة من 3 سنوات !!

وعندي ولد وبنت

بدأت معناتي من تزوجت !!! من أهله مع انهم في امارة ثانية ومابيني وبينهم اي شي

كانت امه تمووت علي ايام الملجة كنت كل اسبوع اسيرلها واعطيها هدايا والماس وهالسوالف

تزوجنا زواج تقليدي والحمدلله كل حد راضي وكل الناس كانو يحسدونا على بعض لحبنا الشديد وتمسكنا لبعض !!!

فجأة من دون مبررات تغير زوجي 180 درجة !! حبيبي شو فيك ؟؟ ليش متغير ؟؟

وهذيج الساعة كنت حامل بولدي !! المهم مرت الايام والاسابيع و زوجي وايد زعلان ومتظايج

المهم مرة حنيت على راسه !! وماقمت من عنده الا يوم خبرني !!

وهني الصاعقة !!!

قالي: حبيبتي أمي قالتلي أطلقج ولامابترضى علي وبتحرمني من الورث !!

أنا هني اسوووودت الدنيا فعيني كنت حامل بالشهر السابع ونا اتلقى هالخبر

قلتله: ليش أنا شو سويت ؟؟ أنا قصرت وياكم في شي

قالي: أنتي ماسويتي شي بس اهلي كلهم مايبونج

قلتله والسبب :قالي أونه يقولون انتي خقاقة وشايفة عمرج ومن عرستي ماسرتيلهم حتى ماخذتيلهم شي !!

أنا هني سكت : قلتله كيف ماخذتلهم شي ؟؟ مب انا العروس والمفروض هم الي يزوروني ويباركونلي عالعرس !!

من هني عرفت أنه أمه مصلحجية وتموت عالفلس وحبت تسوي هالمشاكل بيني وبينه عسب زوجي ينسى سالفة ورثه !!

والله وراس عيالي ان انا ماعرف انه عندهم ورث الا منه هو يوم خبررني !!!

أمه تقول: انته من خذتها تغيرت وصرت تطالع فوق ومحد حط سالفة الورث في راسك غيرها !!

المهم قالتله طلقها : قاللها حامل وأحبها ماقدر أطلقها

أمه كبيرة فالسن : قالتله اذا ماطلقتها بتبرى منك وبموت ونا مب راضية عليك

المهم زوجي طبعا انحط في موقف لايحسد عليه

قلتله : ياولد الحلال لاطاعة لمخلوق في معصية الخالق

يقولي : هذي امي وماعرف شو اسوي

المهم سكتها وقاللها من تربي بيصير الي تبينه !!

ربيت وزوجي استانس على ضناه بما زوجي كبير شوي فالعمر وتأخر فالزواج

ماصدق بولده

امه : مايتلي المستشفى ولا اتحمدتلي بالسلامة مع اني كنت مسوية قيصرية

المهم رجعت لمنوالها : يلا انت قلت بتطلقها !!!

جاني وقالي : مافي الا حل واحد !!

تحملين !!!

انا قلتله حرام عليك توني مربي وبقيصرية كيف احمل !!!

قلتله اتريا 6 شهور عالاقل لين الجرح يلتئم

المهم مرت ال6 شهور عذاب في عذاب

وحملت وهني امه انصدمت قالتله ماقلتلك طلقها !! شوف الحين طلعتلك حجة

المهم ماهدته الا يوم حلفته انه يطلقني ونا فالاربعين !!

ولدت قيصرية جاني المستشفى تم وياي لين ماطلعت

وعقب قالي : انتي تمي بيت اهلج فترة ونا بقوللها اني طلقتج !!!

انا هني عاااد خلاص ماقدرت اتحمل !!

صبرت بما فيه الكفاية !!

اتظاربت وياه والحين من 7 شهور ماشاف بنته ولايعرف كيف شكلها

وقلتله عاد انا الحين اباك تطلقني قالي مابطلق امه غيرته علي قبل كان شو والحين شو

مايسأل عني ولا عن عياله صار جاسي وقلبه اسود

بتقولون ريال ويعرف مصلحته لكن للاسف أقوللكم ( أنه سكانه أمه وخواته)

مصيري معاه بيتحدد خلال هالاسابيع الجاية

طااالبتنكن

انكن تدعون لي

ان الله يهدي زوجي ويجمعني به عاجلا غير آجل

والله اني احبه ومابا عيالي يتشردون حسبي الله على الي كان السبب

بنااات محتاجة دعائكم في هالايام المباركة

الله يخليكم فرحو قلبي

والله اني مظلومة