عباية الدوام ولفة الشيله ابا ميك اوفر علموني؛)

السلام عليكم خواتي ..
اللي عندها صبر تفيدني … علموني كيف اكون انيقه
طولي 165 والخصر 34 البس فلات وفالمناسبات كعب
اتمنى الاقي مشاركات .. واسمحولي على كثر الاسئله .. ماشي احلى من منتدانا مهما لفينا كل المواقع .. لان يجمع كل الحريم والبنوتات في الامارات .. ماشاء الله ومتاكده اني بلاقي اجابات
اولا احب البس العبايات اللي فيها قصات في الاكمام والعباه اللي خاطري اجربها ما ادري شو اسمها يمكن البشت .. تشبه الظفاري او اليمني
سؤالي عن العبايه شوالموديلات اللي تناسبني والمقاسات المضبوطه

بالنسبه للشبله شو المقاسات والخامه وطريقة اللبس وضروري قباضه ولا لا … لاني الفها عادي ابا طريقه حلوه
شكراااا

أختي كم عمرج؟! احس مال ١٢ سنة لان مافي بنت تسال كيف يلبسون الشيلة ؟ قباضة وإلا؟
وين امج خواتج؟!
كل وحدة تلبس الشيلة بالطريقة اللي تناسبها وتريحها.. هاي مافيها صرعات..

وكيف نعرف موديلات العباية أو مقاساتها عشان تضبط عليج؟؟؟!

ما ادري ليش نرفزني الموضوع.. احس غريب.. الله يهدي الجميع

اممم يعني من مقاس خصرج ماعرفت انتي رشيقه ولا مربربه والشيله لفي عادي يعني وحطي شباصه بس مو كبيره شباصه صغيره عشان تسبت الشيله والبسي عبي قصات بس وسيعه احلي واستر وتحجبي يعني لفي الشيله وماطلعي شعرج جدام والفلات زين لانج متوسطه مب قصيره عسب تلبسي كعب

شكرااا خواتي على المشاركات

انا محجبه ومشكووره دلوعة حمودي
هيه مربربه ههههه تسلمين الغاليه

لا والله اختي ادور حل لاتستغربين بعد الدراسه وقبل الشغل كله فالبيت مطبخ وشغل البيت سنين واستحي اسال وحده فالتجمعات العائليه او المناسبات وانحرج ويوم ايوقف عالمرايا اجرب بروحي
فقلت اسال فالمنتدى احسن في بنات يحبون يعطون افكار نفس جويل ههه

قلبج ابيض ..المهم ان طريقتي في لف الشيله اخلي صوب من الشيله طويله والصوب الثاني قصير الف الطويل عليه لفتين لاني افصل شيل طويله والشباطه تكون صغيره عشان ما تكون اسنمت البخت ..بالنسبه للعبايه انا ما اتبع الموضه لان في عبي استغفر الله قوم بوذا وربعه وبعد الموضات حلوه وانيقه فاللي يرحيني اختاره وخاصه القصات الناعمه البسيطه …